Топ новостей
Понедельник, 07 июня 2021 14:03

Қорғалжындық жас спортшыларға кәсіпкер 100 кимоно жейдесін сыйға тартты

  • Whatsapp: whatsapp +77084442694 +77084442694
Оцените материал
(0 голосов)

Қазақстан Республикасының Тәуелсіздігінің 30 жылдығы аясында,  дзюдодан қазақтан шыққан тұңғыш КСРО-ның күміс жүлдегері, самбо күресінің майталманы, Қазақстан дзюдо федерациясының вице-президенті, кезінде еліміздің Ұлттық құрама командасының бас жаттықтырушысы болған, Алматы қаласындағы Республикалық Олимпиада даярлау орталығының директоры Бостан Жаңбырбаев қорғалжындық жас спортшыларға арнап 100 кимоно жейдесін сыйға тартты, – деп хабарлайды ішкі саясат басқармасы.

Еліміз өркендеп, күннен күнге әлемнің түкпір-түкпірінен Қазақстанның атын шығарып жатқан спортшылар көп.

Қорғалжын ауданында спорт саласы екінші тыныс алып, қайта дамып келеді. Оған түрткі 2018 жылы ауданның 90 жылдығына ел азаматтарының ынтымақ-бірлігінің арқасында  күрделі жөндеуден өтіп ел игілігіне берілуі, екінші себеп ауданда сол жылдары “Қорғалжын спорт клубы” ашылып, сол клубтың шеңберінде жас жеткіншектердің спортпен шұғылдануы. Ауданда онымен қатар балалар мен жасөспірімдер спорт мектебі  бар. “Туған жерге тағзым” дегендей, ауданның бірқатар жанашыр азаматтарының арқасында дзюдо залы  ашылған. Осы залға біраз адамдар демеушілік жасап келеді. Бір ғана биылдың өзінде бір топ атақты спорт ардагерлері мен демеушілер жас жеткіншектерге үлкен сый табыстады.

Қазіргі таңда Қазақстан дзюдо федерациясының атқарушы хатшысы, Ұлттық құраманың экс-бас бапкері Самат Жылқыбаев та спортшыларымызға татами сыйлады. Осы спорт ордасының бас бапкері, самбо күресінен жастар арасында Әлем және Азия чемпионы, Қазақстан чемпионатының бірнеше дүркін чемпионы Марат Таханов осындай сый-сияпатқа зор ризашылығын білдірді.

Осы іс-шараны ұйымдастырған, белгілі спорт функционері, “Қазспортинвест” АҚ президенті Қанат Жұрқаевқа және Қорғалжын ауданы дзюдо күресі федерациясының президенті Берік Тұямашевқа  ел жанашырлары атынан  алғысын білдірді.

aqmolanews.kz

Заметили ошибку в тексте? Выделите ее и нажмите Ctrl+Enter
Прочитано 232 раз