Пятница, 14 мая 2021 12:24

“Адал жүрек”: Ерейментаулық жанұяға баспана берілді

  • Whatsapp: whatsapp +77084442694 +77084442694
Оцените материал
(0 голосов)

Ақмола облысында Тәуелсіздіктің 30 жылдығы қарсаңында «30 қайырымды іс» акциясы және «Адал жүрек» жобасы арқылы ақмолалық отбасы баспаналы болды, деп хабарлайды “Aqmola news” ақпарат агенттігі облыстық ішкі саясат басқармасына сілтеме жасап.

Құны 5 миллион теңге тұратын үш бөлмелі пәтердің кілті Ерейментау ауданындағы Кенжебаевтар отбасына тапсырылды.

«Біз Қазақстанның әр өңірінен жиналып, осындай қайырымдылықты мақсат етіп «Адал жүрек» деген жобаны іске асыруға бел будық. Біз – 25 адам қолымыздан келгенше халықты мейрімділікке үгіттеп, қоғамдық орындарда жәшіктер қойып, өздеріміз де шама келгенше осы қайырымды шараға атсалысуға халықты шақырып, қомақты сома жинадық. Жиналған ақшаны тек мұқтаж жандарға үлестіріп, осы Ерейментау ауданында тұратын Кенжебаевтар отбасына пәтер алуды шештік», – деді жоба қатысушысы.

Ақмола облыстық ішкі саясат басқармасынан атап өткендей, аталмыш шара Егеменді елдің ынтымағын танытып, адами қасиеттің шыңы болған «қайырымдылық» сынды құндылықтың айқын көрінісі.

«Өте қуаныштымыз! Күтпеген жерден баспаналы болдық. «Адал жүрек» жобасын ұйымдастырған адамдарға мың алғыс айтамын. Көп рахмет!», – деп ризашылық білдірді Кенжебаевтар жанұясының отанасы.

ИА «Aqmola News».

Заметили ошибку в тексте? Выделите ее и нажмите Ctrl+Enter
Прочитано 227 раз