Понедельник, 30 ноября 2020 15:26

ПИЛОТТЫҚ ЖОБА ІСКЕ ҚОСЫЛАДЫ

  • Whatsapp: whatsapp +77084442694 +77084442694
Оцените материал
(0 голосов)

31 желтоқсаннан бастап Қазақстан Республикасының аумағында тауарларға ілеспе жүкқұжаттарын рәсімдеуге байланысты пилоттық жоба іске қосылады. Бұрын халықаралық жүк тасымалдаушылар шекара бекеттерінде тауар- ілеспе жүкқұжаттарын келген кезде міндетті түрде сканерлеуге тапсыратын. Соның салдарынан шекарада ұзақ-сонар кезек пайда болатын еді. Жаңа жобаны енгізу жүк тасымалдаушылардың жұмысын жеңілдетіп және уақытын айтарлықтай үнемдеуге мүмкіндік береді.

Қаржы министрінің бұйрығына сәйкес жыл соңында сыртқы экономикалық саудамен айналысатындар үшін жүк тасымалына тауар-ілеспе жүкқұжаттарын рәсімдеу шарасы біршама жеңілдетіледі. Жаңа жүйеге толық көшу келер жылдың алғашқы жартыжылдығына жоспарланған. Пилоттық жоба  бұл рәсімге біртіндеп көше отырып, оны міндетті түрде енгізуге ықпал етпек.

АХМЕТЖАН ХАСЕНОВ, ОБЛЫСТЫҚ МЕМЛЕКЕТТІК КІРІСТЕР ДЕПАРТАМЕНТІНІҢ БАСҚАРМА ЖЕТЕКШІСІ  Бұл рәсім Қазақстан Республикасының мемлекеттік шекарасынан кедергісіз өтуге мүмкіндік береді. Мемлекеттік шекараны кесіп өткенге дейін барлық төлеушілер тауарларға ілеспе жүкқұжаттарды толтыруға міндетті. 20 күнтізбелік мерзім өткеннен кейін, олар сол құжаттарын растауы керек.

Одан соң сатып алушы жүкті алғаннан кейін ілеспе жүкқұжаттарды да  растайды. Белгіленген мерзім – 20 күнтізбелік мерзім, ал акцизделетін тауарлар үшін 5 жұмыс күні. Жобаны енгізу үш кезеңге бөлінген және Еуразиялық экономикалық одақ елдеріне жүк тасымалдауға қолданылады.

АХМЕТЖАН ХАСЕНОВ, ОБЛЫСТЫҚ МЕМЛЕКЕТТІК КІРІСТЕР ДЕПАРТАМЕНТІНІҢ БАСҚАРМА ЖЕТЕКШІСІ  Бұл жоба Қазақстанда алғаш рет енгізіліп отыр. Бұл рәсім біршама қысқарды. Бұған дейін мемлекеттік приницптер бойынша жүзеге асырылып келген еді, шекараға келген кезде біраз тұрып қалатын. Енді көліктер еш кедергісіз өте береді. Өткізу бекетінде отырған біздің мамандар жүк тиелген көлік шекараға өткен кезде ол туралы барлық мәліметті алдын-ала көріп отырады.

Пилоттық жоба іске қосылған кезеңде салық төлеушілерге әкімшілік жауапкершілік шарасы қолданылмайды. Бұл ең алдымен жаңа тәртіпке бейімделуге әрі өздерінің есептік жүйесін шоғырландыруды реттеуге мүмкіндік береді.

kokshetautv.kz

ТАБЫСБЕК ҮСЕН, АБАЙ КӘКІМБЕК, ВАСИЛИЙ ВЕРЕЖНИКОВ

Заметили ошибку в тексте? Выделите ее и нажмите Ctrl+Enter
Прочитано 223 раз