Вторник, 24 ноября 2020 17:32

Қазақстанда тері экспортының баж салығын нөлге теңестіруді жоспарлап отыр

  • Whatsapp: whatsapp +77084442694 +77084442694
Оцените материал
(0 голосов)

Қазақстанның Ауыл шаруашылығы министрлігі сала қауымдастықтары және «Атамекен» ҰКП қолдауымен үкіметте малдың өңделмеген терілері үшін салынатын кедендік баж салығының ставкасын нөлге теңестіру туралы бастама көтерді. Жақында ведомствоаралық комиссия бұл ұсынысты қолдады. Бұл туралы «Атамекен» ҰКП Агроөнеркәсіп кешені және тамақ өнеркәсібі департаменті директорының орынбасары Еркен Наурзбеков мәлімдеді.

«Қазақстан Республикасы Премьер-Министрінің бірінші орынбасары Әлихан Смайыловтың төрағалығымен өткен сыртқы сауда саясаты және халықаралық экономикалық ұйымдарға қатысу туралы комиссия отырысының қорытындысы бойынша бұл бастама қолдау тапты және экспорттық кедендік баж салығын бір жыл мерзімге алып тастау туралы шешім қабылданды», - деп жазды Еркен Наурзбеков Facebook бетінде.

Ол бұдан бұрын Индустрия және инфрақұрылымды дамыту министрлігі былғары өндірісін дамыту мақсатында Қазақстан аумағынан ірі қара мал терілерін әкетуге тыйым салғанын еске салды: 2016 жылдың қазанынан 2017 жылдың сәуіріне дейін, 2019 жылдың 10 наурызынан 2019 жылдың 10 қыркүйегіне дейін. Сондай-ақ, 10 жылдан астам уақыттан бері өңделмеген теріге экспорттық кедендік баж салығы салынатын, импорттаушы елге байланысты тоннасы 200-500 еуроны құрайды.

«Осындай іс-шаралардың нәтижесінде тері бағасы шамамен 5 есеге арзандады. Фермерлер сата алмады, ал экспорттаушы компаниялар мал терілерін Қытайға, Ресейге және осы өнімдерді сатып алғысы келіп,  терілерге жоғары баға ұсынған шетелдік кәсіпорындарға экспорттай алмады», - деп атап өтті «Атамекен» өкілі.

Атап айтқанда, маманның ақпараты бойынша, тыйым енгізілгенге дейін өңделмеген ірі қара терілері негізінен Ресейге килограмы 272 теңгеге немесе бір тері 5,5 мың теңгеден сатылды. Бүгінгі күні ресейлік және қытайлық импорттаушылар терінің келісін 300 - 400 теңгеден сатып алуға дайын. Бұл ретте ішкі нарықтағы баға бойынша келісі 100 теңгеге болады.

Сонымен бірге, Еркен Наурзбеков Қазақстан Республикасында жұмыс істейтін тері өңдейтін 9 кәсіпорында елдегі бүкіл өнімді өңдейтіндей өндірістік қуаты жоқ екенін атап өтті. 2019 жылы 3,2 млн тері шығарылды, оның тек 500 мыңы (17%) өңделді, 134,5 мыңы (4,2%) экспортталды және 2,5 млн (79%) өңдеусіз қалды. Мұндай жағдайда фермерлерге терілерін лақтырып, пайдадан айырылуға тура келді, бұл жылына 14,0 млрд.теңгені құрайды.

Заметили ошибку в тексте? Выделите ее и нажмите Ctrl+Enter
Прочитано 229 раз