Аудандар мен қалаларда ел Тәуелсіздігінің 30 жылдығына арналған «Ақмола жұлдыздары» облыстық көркемөнерпаздар байқауының кезеңдері өткізілуде. Шығармашылық іс-шараның кезекті пункті Шортанды ауданы болды, деп хабарлайды ішкі саясат басқармасы.
Гала-концерт басталғанға дейін қонақтар мен көрермендер үшін бос уақыт орталығының фойесінде сәндік-қолданбалы өнер көрмесі ұйымдастырылды. Суретші, қолөнер шебері Кәрім Бектас әр түрлі жануарлардың өңделген сүйектерінен жасалған бұйымдардың жеке көрмесін ұсынды.
Сондай-ақ, іс-шара аясында ойын-сауық орталығының музыкалық жетекшісі Лаура Қадыр вокалдық үйірмесінің салтанатты ашылуы өтті.
Сахнада фольклорлық, вокалдық-аспаптық ансамбльдер, би ұжымдары, халық және эстрадалық әндерді орындаушылар 18 шығармашылық нөмірді ұсынды. Жергілікті әртістер өз нөмірлерімен көрермендерге жарқын және ұмытылмас әсер сыйлады.
Бағдарламада жаңа ұжымдардың есімдері атап өтілді — «Айгөлек» хоры, «Шортанды Бэнд», «МL» дуэті, «Әгугай» оркестрі, «Сұңқар» вокалдық тобы. Жеке орындаушылар Нұртілек Тұрған, Айбек Қоңырбай, Асхат Булебаев өздерінің керемет өнерлерімен қуантты.
Аудандық байқаудың қорытындысы бойынша білікті қазылар алқасы қараша айының соңында Көкшетауда өтетін гала-концертке қатысатын ұжымдарды анықтайды.
«Осындай деңгейдегі іс-шаралар біздің аудандардағы шығармашылық пен таланттың сарқылмайтынын көрсетеді. Көркемөнерпаздар әртістерінің өнер көрсетулері жылдан жылға орындаушылардың шеберлігі мен деңгейі артып, халқымыздың өзіндік мәдениеті сақталып отырғанына көз жеткізеді», — деп бөлісті қазылар алқасының мүшелері.
Айта кетейік, жыл сайынғы «Ақмола жұлдыздары» көркемөнерпаздар байқауы рухани дәстүрлерді сақтауға, жаңа таланттарды ашуға ықпал етеді және аймақтың мәдениет саласындағы ең ірі, жаппай жоба болып табылады.
