Мода – бұрын ұмыт болған стильді жаңарту деп жатады. Қазір қазақ қоғамында ұлттық нақыштағы киімдерді кию сәнге айналып келеді. Осы ретте, №2 мектеп-гимназиясының мұрындық болуымен «Дәстүр заман ағымында» атты ұлттық киімдер конкурсы өтті.
Кимешек, жаулық, камзол, тақия – қазақ қыздарының бас киімдері. Қазақтың ұлттық киімдері қашаннан әспетті материал, түрлі пішімдерімен ерекшеленеді. Қазақ халқының ұлттық киімдерін дәріптеу мақсатында ұйымдастырылған сайысқа 8-11 сынып оқушылары қатысты.
Әр қатысушы ұлттық киімнің әр түрін таныстырды. Жаңа өң берген киімдердң тарихын баяндады
Сайыс қорытындысы бойынша, 8 сынып оқушысы Жансұлу Сағит бас жүлде, Меруерт Апеисова 1 орынды иеленді. 2 орынға Камила Мұхамедрахим, 3-орынға Әмина Дүзбаева лайық деп танылды.
