165 rob
Облыста қар құрсауынан 12 адам құтқарылып, жақын елді мекендерге жеткізілді, оның ішінде 2 бала. Құтқарылғандар медициналық көмекке мұқтаж болмады. Авариялық-құтқару жұмыстарына ТЖД-ның 26 қызметкері, жергілікті атқарушы органдар мен жақын маңдағы елді мекендердің тұрғындары және 7 бірлік техника жұмылдырылды, деп хабарлайды DKNews.kz.
Қазіргі уақытта 2 адамды іздестіру жалғасуда, іздестіруге Ұлытау облысы ТЖД мен жергілікті атқарушы органдардың 25 адам және 8 бірлік техника күштері мен құралдары жұмылдырылды.
Халықты ескерту мақсатында абоненттерге ауа-райының нашарлауы туралы 229629 СМС-хабарлама жіберілді және «Дармен» мобильді қосымшасы арқылы дауылды ескерту бойынша 3 хабарлама, жолдардың жабылуы бойынша 2 хабарлама жіберілді.
Ұлытау облысының ТЖД ауа-райын бақылауды және елді мекендерден тыс жерлерге шұғыл қажеттіліксіз бармауды ескертеді. Жолдарда ауа-райы қиын болған жағдайда құтқару қызметінің «112»нөміріне қоңырау шалыңыз.
Қазіргі уақытта ауа райы жағдайларының нашарлауына байланысты Жезқазған-Петропавл тас жолы, Сәтбаев-Жезді, Жезді — Қостанай облысы шекарасы жолдарының учаскесі жабық.
Источник: qazaq.asia
