211 rob
Фотосурет: ШҚО ТЖД баспасөз қызметі
4 желтоқсанда Глубокое ауданында қиын жету жерде ШҚО ТЖД құтқарушылары 3 азаматты және олармен бірге болған 2010 жылы туған баланы іздестірді, олар бірнеше күн бұрын омартаға барып, жоғалып кетті, деп хабарлайды DKNews.kz.
Белгілі болғандай, олар келген көлік бұзылып, өз бетінше елді мекенге орала алмады.
Оларға көмекке ШҚО ТЖД Жедел-құтқару жасағының қызметкерлері келді, олар қар жауған кезде жүріп өту қиын жолдар километрлерін еңсере отырып Киреевка ауылына жетті, ол жерден шамамен 3 шақырым жерде омартада азаматтар табылды. Адамдар өтімділігі жоғары техникамен Өскемен қаласына жеткізілді. Бақытымызға орай, оларға медициналық көмек қажет емес еді. Құтқару операциясы сәтті аяқталды.
Жақында облыста дауыл туралы ескерту жарияланды және ШҚО ТЖД бұл туралы халықты хабардар етті.
ШҚО ТЖД құтқарушылары азаматтармен брифингтер ұйымдастыра отырып, қауіпсіздік шараларының алдын алуды тұрақты негізде жүргізеді, алайда көбісі қолайсыз ауа-райында және дауылды ескерту кезінде елді мекендерден тыс жерлерге шығуды жалғастыруда.
ШҚО ТЖД азаматтардан қауіпсіздік шаралары мен құтқарушылардың ұсыныстарына құлақ асуын сұрайды:
- ауа-райының қолайсыз жағдайында және дауылды ескерту кезінде ешбір жағдайда елді мекендерден тыс жерлерге бармаңыз!
- өз өміріңізге қауіп төндірмеңіз.
- ауа райы жағдайларымен және жолдардың жабылуымен «Дармен» мобильді қосымшасында танысуға болады.
Төтенше жағдай кезінде 112 нөмірі бойынша хабарлаңыз.
Источник: qazaq.asia
