323 rob
Фотосурет: ҚР Ұлттық ұланының баспасөз қызметі
Жаңа жылдың бірінші күні елордалық жедел бригаданың әскери қызметшілері азаматтарға екі рет көмектесті, деп хабарлайды DKNews.kz.
Мәселен, 1 қаңтарда сағат 17:15 шамасында «Нұра» ауданында қоғамдық тәртіпті сақтау бойынша патрульдік-бекеттік қызмет атқару кезінде саябақтардың бірінде ересектердің еріп жүруінсіз кішкентай баланы көреді.
Әскери жасақ бастығы-қатардағы жауынгер Айдын Мәдениетов пен патрульші-қатардағы жауынгер Дінмұхаммед Қуанған бұл факт туралы патрульдік топ бастығына баяндап, жақын маңдағы нарядтарды хабардар етеді.
Қысқа уақыттан кейін сарбаздар баланың анасын тауып, оны ата-анасына қайтарады.
Қуанышты ана әскерилерге сәтті қызмет тілеп, жауаптылығы мен жеделдігі үшін алғысын айтты.
Екінші оқиға кешкі сағат 23:45 — те орын алды, мерекелік шыршаның жанындағы патрульдік маршруттағы бұл әскери жасақ 15 Pro IPhone моделін тапты.
Бұл туралы басшылыққа хабарланды.
— Біз іздеуді бастағаннан кейін смартфонға телефон иесінен қоңырау түсті. Кейін ол табылған жерге келді. Әңгіме барысында біз смартфонның осы жас жігітке тиесілі екеніне көз жеткіздік, — дейді қатардағы жауынгер Мәдениетов.
Осыдан кейін жас жігіт сарбаздарға қырағы және адал қызмет еткені үшін алғыс айтты.
Источник: qazaq.asia
