175 rob
Фотосурет: strategy2050 kz
Мемлекет басшысының Өкімімен Қуанышбек Өскенбайұлы Үштаев «Оңтүстік» өңірлік қолбасшылығы әскерлерінің қолбасшысы, Жеңіс Мұхамедқалиұлы Маралов «Шығыс» өңірлік қолбасшылығы әскерлерінің қолбасшысы болып тағайындалды, деп хабарлайды DKNews.kz.
Генерал-майор Қуанышбек Үштаев Қазақстан армиясында әскери училище курсантынан бастап «Шығыс» өңірлік қолбасшылығы әскерлерінің қолбасшысына дейінгі жолдан өтті.
1997 жылы Алматы жоғары әскери училищесін, 2009 жылы Ұлттық қорғаныс университетін, 2018 жылы РФ Қарулы күштері Бас штабының Әскери академиясын бітірген.
Ол әр жылдары жауынгерлік дайындық бойынша жауапты қызметтер атқарды. Штаб бастығы – «Шығыс» өңірлік қолбасшылығы әскерлері қолбасшысының бірінші орынбасары болды.
«Жауынгерлік ерлігі үшін» медалімен және ведомстволық наградалармен марапатталған.
Полковник Жеңіс Маралов Қазақстан Қарулы күштерінде әскери академия курсантынан бастап штаб бастығы — «Шығыс» өңірлік қолбасшылығы әскерлері қолбасшысының бірінші орынбасарына дейінгі жолдан өтті.
1998 жылы ҚР Қарулы күштерінің Әскери академиясын бітірген. 2005 жылы — Ұлттық қорғаныс университетін, 2022 жылы — ҚР Қарулы күштері Бас штабы академиясының факультетін аяқтады. Әр жылдары әскери бөлімдердің командирі болды.
Ведомстволық наградалармен және мерейтойлық медальдармен марапатталған.
Источник: qazaq.asia
