664 rob
ШҚО ТЖД құтқарушыларына Глубокое ауданының Топчиха ауылындағы балаларға арналған спорт клубтарының бірінде 2 жаттықтырушы мен 8 бала қалғаны, олар ауа райының қолайсыздығынан ауылды өз бетінше тастап, Өскемен қаласына орала алмай жатқаны туралы хабар келіп түсті, деп хабарлайды DKNews.kz.
Оларда азық-түлік таусылған екен. Көмекке ШҚО ТЖД Жедел-құтқару жасағының қызметкерлері жол талғамайтын «ШЕРП» техникасымен келді.
Құтқарушылар жаттықтырушылар мен балаларды қалаға аман-есен жеткізді. Құтқарылғандарға медициналық көмек қажет емес.
ШҚО ТЖД азаматтардан автожолдардың жабылуына түсіністікпен қарауға кеңес береді, бұл іс-шаралар Сіздің қауіпсіздігіңіз үшін жасалады.
Дауылды ескерту кезінде тәуекелге бармаңыз, елді мекендерден шықпаңыз . Қысқы жол әрқашан қауіп төндіреді.
Төтенше жағдай кезінде 112 нөмірі бойынша хабарлаңыз.
Источник: qazaq.asia
