271 rob
Сенат депутаттары Нұртөре Жүсіп, Сұлтанбек Мәкежанов, Бақытжан Жұмағұлов, Динар Нөкетаева және Ләззат Қалтаева «Николай Островский атындағы зағип және нашар көретін балаларға арналған №4 арнайы мектеп-интернатында» болды, деп хабарлайды DKNews.kz.
Мұғалімдер өздерінің негізгі міндеті – көру қабілеті нашар балаларды оқыту және тәрбиелеу екенін сенаторларға айтып берді. Ол үшін орталық жүйке жүйесінің сырқаты мен басқа да ауруларға байланысты дамудағы қайталама ауытқуды жеңуге және жүруді қалыпқа келтіруге бағытталған түзету-тәрбие және емдеу-қалпына келтіру жұмыстары жүргізілуде.
«Мүмкіндігі шектеулі жандарды қолдау аса маңызды. Мемлекет жеке-дара білім беру, кедергісіз орта құру, инфрақұрылымдық қолжетімділікті қамтамасыз ету, осындай тұлғалар үшін жұмысқа орналасу мүмкіндіктерін кеңейту мәселелеріне көп көңіл бөле бастады» Ләззат Қалтаева
Кездесу барысында оқушылардың оқуы мен демалуына арналған үй-жайлардың жетіспеуі мен экскурсияға қолайлы жағдай жасау қажеттігі туралы мәселелері де талқыланды.
«Біз мүмкіндігі шектеулі жандардың қажеттіктерін қанағаттандыру үшін барлық жағдайды жасауымыз керек. Бұл неғұрлым жүйелі, дәйекті жұмысты талап етеді. Үкімет пен әкімдер ерекше қажеттілікті талап ететін адамдардың тыныс-тіршілігін ұйымдастыруға кәсіпорындардың қатысуын мемлекеттік ынталандыру нормаларын қарастыруы керек» Сұлтанбек Мәкежанов
Депутаттар Наурызбай ауданындағы оқушыларға арналған инновациялық шығармашылық орталығы мен балабақша құрылысының жағдайымен танысты.
«Барлық ұсыныстар мен ескертулер Сенат депутаттарының назарына алынады және тиісті мемлекеттік құрылымдармен талқыланатын болады» Нұртөре Жүсіп
Источник: qazaq.asia
