151 rob
Фотосурет: ҚР Ұлттық ұланы
Қазақстан Республикасы Қорғаныс министрлігінің қолдауымен жүзеге асырылған бағдарлама аясында Сарыөзек гарнизонындағы 12740 әскери бөлімінде мерзімді әскери қызметтерін абыроймен атқарып жүрген 30-ға жуық сарбаздар білім гранттарына ие болды.
Салтанатты шарада бригада командирі подполковник Даулет Секенов білім сертификатына ие болған сарбаздардың қызмет барысындағы жетістіктері туралы айтып, оларды жеке-жеке құттықтап, алғысын білдірді.
Одан кейін, әскери бөлімнің тыныс-тіршілігіне белсене араласып, өздерін озаттар қатарынан көрсеткен, және жауынгерлік даярлықты жоғары меңгеріп, ең жоғары көрсеткішке ие болған сарбаздарға жеке құрам алдында жоғары оқу орнына тегін оқуға мүмкіндік беретін білім гранты салтанатты түрде табысталды.
Бөлім командирінің жауынгерлік дайындық жөніндегі орынбасары подполковник Ануар Рыспаев: — Сарбаздар әскерге келген күннен бастап қызмет атқару кезіндегі бағалары, әскери дайындығы басты өлшем ретінде бағаланып, балл қойылады. Атап айтқанда, сарбаздар тәуліктік нарядтардан, дене даярлығынан, атыс даярлығынан, мемлекеттік-құқықтық даярлық пәндерінен көп ұпай жинап, өздерін әскери тәртіп және психологиялық тұрғыда да жақсы көрсетулері тиіс. Одан басқа, әскери өмірдегі түрлі іс-шараларға араласып, өз үлестерін қосуда ескертіледі, — деп түсіндірді.
Сондай-ақ, бөлімдегі взвод және рота командирлері жауынгерлік дайындық журналдарын жүргізіп отырады. Онда әр жауынгердің нормативтерді орындау нәтижелері ескертіледі. Соның негізінде ай сайын барлық оқу пәндері бойынша сарбаздың ағымдағы бағаларының рейтингі шығарылып отырады. Содан кейін, барлық жинақталған балдың қорытындысы шығарылып, соған орай білім грантына сертификат табысталады, — деп толықтырды подполковник Ануар Рыспаев.
Сарыөзек гарнизоны баспасөз қызметінің бастығы майор Абзал Сартаев
Источник: qazaq.asia
