203 rob
Фотосурет: Алматы қаласының әкімдігі
Алматы қаласының Медеу ауданында оқушы орнының тапшылығын төмендету үшін 8 жоба жүзеге асырылуда, деп хабарлайды DKNews.kz.
Бұл туралы РСК брифингінде аудан әкімі Еркебұлан Оразалин мәлімдеді.
«Бүгінде мектеп орындарының тапшылығы 3 461 орынды құрайды. Жаңа жобалар 5 мың жаңа орынды қамтамасыз етуге мүмкіндік береді. Бұл қосымша құрылыстар салу және сейсмикалық күшейту арқылы күрделі жөндеу. Тамыз айында №35 мектепке 300 орынды және №99 мектепке 250 орынды жапсарлас 2-ші ЖСҚ бойынша сараптама қорытындылары алынды. Құрылыс-монтаждау жұмыстарын бастау 2024 жылдың 2 тоқсанына жоспарланған», — деп атап өтті Еркебұлан Оразалин.
Сондай-ақ, оның айтуынша, тамыз айында №48 мектепті 250 орындға кеңейту мен қайта жаңарту, ал №131 мектепте сейсмикалық күшейтумен күрделі жөндеу жұмысы аяқталды. Ал желтоқсан айында аудан әкімдігі №131 және №168 мектептерге бастауыш сыныптар үшін қосымша құрылыс салуға арналған екі ЖСҚ бойынша әрқайсысы 300 орынды сараптама қорытындысын алады деп күтеді. Бұдан басқа, №33, 161 және 17 мектептерді сейсмикалық күшейте отырып, қайта жаңартуға ЖСҚ әзірленуде.
«№33 мектеп бойынша тамыз айында сараптама алынды, құрылыс-монтаждау жұмыстарының басталуы – 2024 жылдың 1 тоқсаны. №161 және №17 мектептер бойынша мемлекеттік сараптама нәтижелерін ақпан айында және 2024 жылдың 2 тоқсанында құрылыс-монтаждау жұмыстарының басталуын күтеміз. Сондай-ақ, Құлжа трактінің оңтүстігіндегі «Жайлы мектеп» ұлттық жобасы аясында 2 мың орындық жаңа мектептің құрылысы басталды. Ал жеке инвесторлардың қаражаты есебінен шағын ауданда 1500 орынды екі мектеп салу жоспарланған. «Думанда» 1200 орынды және Халиуллин көшесі, 140 мекен жайында 300 орынды. 3 жобаны іске асыру мерзімі — 2024 жыл. Ал 2024 жылдың қаңтар айында 260 орынды «Ikigai School» жекеменшік мектебінің спортзалының құрылысы аяқталады», — деді Медеу ауданының әкімі
Сонымен қатар, оның айтуынша, Бөгенбай батыр көшесі, 42 мекен-жайында №29 мектеп үшін 300 орынды қосымша құрылыс салу үшін жер учаскесін сатып алу рәсімдері жүргізілуде.
Ол Медеу ауданында 450 орынды 9 жаңа балабақша ашылып, жыл соңына дейін 1 балабақша ашылатынын атап өтті. Сонымен қатар, №195 балабақшаны сейсмикалық күшейте отырып, күрделі жөндеуге ЖСҚ әзірленді.
Источник: qazaq.asia
