173 rob
Фотосурет: Өнеркәсіп және құрылыс министрлігі
2023 жылғы 21 желтоқсанда ҚР Өнеркәсіп және құрылыс министрлігі Қоғамдық кеңесінің жаңа сайланған құрамының отырысы өтті, деп хабарлайды DKNews.kz.
Министрлік Аппаратының басшысы Рахымжан Исақұлов Қоғамдық кеңестің жаңадан сайланған мүшелерін құттықтап, жемісті жұмыс тілеп, министрліктің Қоғамдық кеңеспен тығыз ынтымақтастықта жұмыс жасауға дайын екенін айтып өтті.
Қоғамдық кеңестің төрағасы Сейітсұлтан Айымбетов жылы сөздері үшін алғысын білдіріп, Қоғамдық кеңес түрлі мәселелер бойынша азаматтық қоғамның пікірін білдіру үшін Министрлікпен бірлесіп нақты қоғамдық институт пен сындарлы диалог алаңын құра алатынын атап өтті.
«Біз Министрлікке жан-жақты қолдау көрсетуге әзірміз, министрлік атқарып жатқан «көзге көрінбейтін» жұмыстары туралы ақпаратты қалың бұқараға жеткізетін боламыз. Біз түйінді мәселелерді талқылап, мәселелерді анықтап, тиімді шешімдер табамыз деп сенемін», – деді С.Айымбетов.
Кеңестің бірінші отырысының күн тәртібінде Қоғамдық кеңес регламентінің қорытынды редакциясын қарау, Министрлік қызметінің негізгі бағыттары бойынша Қоғамдық кеңестің комиссияларын және олардың төрағаларын құру туралы мәселелер қаралды. Сондай-ақ Қоғамдық кеңестің төралқасы сайланып, кеңестің 2024 жылға арналған жұмыс жоспары бекітілді.
Талқылау және ашық дауыс беру қорытындысы бойынша Қоғамдық кеңестің 4 комиссиясын құру туралы шешім қабылданды және олардың төрағалары Қоғамдық кеңес мүшелерінің арасынан сайланды:
1) Қанат Баитов Құрмашұлының төрағалығымен өнеркәсіп мәселелері бойынша
2) Любовь Нысанбаеваның төрағалығымен Құрылыс және тұрғын үй-коммуналдық шаруашылық істері бойынша
3) Төлеген Мұхановтың төрағалығымен Геология және жер қойнауын пайдалану мәселелері бойынша
4) Самата Ақышевтің төрағалығымен Сыбайлас жемқорлыққа қарсы іс-қимыл мәселелері бойынша.
Қоғамдық кеңес комиссияларының жұмысын үйлестіру, отырыстар өткізуге дайындықты ұйымдастыру, Қоғамдық кеңестің қызметін ұйымдастырушылық және ақпараттық қолдауды қамтамасыз ету, Қоғамдық кеңестің ұсынымдарының орындалуына мониторинг жүргізу үшін Қоғамдық кеңестің Төралқасы сайланды.
ҚК мүшелері оған министрліктен аппарат басшысын, сондай-ақ кеңес мүшелері ретінде салааралық үйлестіру департаментінің директоры А.Кенжебаеваны және Заң департаменті директорының орынбасары Д. Сураужанованы қосуды ұсынды. Оның құрамына кеңес төрағасы С. Айымбетов және 4 комиссияның төрағалары кірді.
Кеңестің келесі отырысы 2024 жылғы қаңтарда өтеді.
Источник: qazaq.asia
