377 rob
Ағымдағы жылдың 27 қаңтарында Ұлттық ұланның 5517 әскери бөлімнің офицерлері мен келісімшарт әскери қызметшілеріне «Жаңа Қазақстандағы діннің рөлі» тақырыбында ақпарат сағат өткізілді.
Осындай іс-шараны өткізуге Батыс Қазақстан облысының дін істері басқармасының діни бірлестіктерімен жұмыс бөлімі бастығы Қаратай Азат Айболатұлы келіп тақырыпты кеңінен ашып, дін мәселесіндегі қазіргі кездегі өзекті бөлігін қозғады. Кездесу барысында дін маманы діни қызмет және дін бірлестіктері туралы заңды әскерилерге жеткізіп, теріс діни ағымдардың қоғамға тигізер зауалын айтып берді.
Сөз барысында дінді біліммен танымаудың түбі – қасіретке, білімсіздік – бүлікке, бүлік – бөлінуге әкеп соғатын айтты. Кездесу барысында әскерилер дін маманына өздерінің көкилерінде жүрген сұрақтарын қойып, пікір алмасты. Бүгінгі жас – ертеңгі ел тізгінін ұстайтын ел ағасы. Жүректерінде жалыны, бойларында намыс, батырлық күші бар жиырма бірінші ғасырдың жастары күнделікті өзгеріп жатқан өмірге, құбылыстар мен жаңалықтарға еліктемей, «жақсыдан үйреніп, жаманнан жиреніп» жатса, нұр үстіне нұр болар еді. Ата-бабамыз ұстанған мейірімді ислам дінін дұрыс түсініп, жүрегімізде жылулық сақтап, адамгершілік бейнемізді қолдан келгенше жоғалтпауға тырысуымыз қажет.
Алмагүл ЖҰМАБЕКОВА
Источник: qazaq.asia
