307 Awrora
Қысы қатал Аягөз гарнизонындағы танк бригадасының жеке құрамы далалық жаттығу полигонында жауынгерлік практикалық жаттығулардың қарқынын түсірмей орындауда, деп хабарлайды DKNews.kz.
Бір ай көлемінде жауынгерлік даярлықтың негізгі кезеңінде арнайы оқу сыныбында мамандық бойынша теориялық дәріс алған жеке құрам қазіргі таңда «Майлин» оқу жаттығу полигонында суық ауа райына қарамастан қару-жарақпен бақылау ату жаттығуларын орындап және әскери техникамен сауатты жұмыс істеуді игеруде.
Тәжірибелі нұсқаушылардың басшылығымен жүзеге асырылатын далалық іс-қимылдарда басты назар штаттық-лауазымдық міндетіне сәйкес мерзімді қызметтегі жас сарбаздар мен мамандардың тапсырмаларды сауатты орындауына бағытталған.
«Әскери қызметшілермен жауынгерлік бағдарламаға сәйкес теориялық және практикалық сабақтар өткізілді. Бүгін олар жақсы нәтижелер көрсетуде, сондай-ақ қару-жарақты, әскери техниканы, жақсы атуды сенімді меңгергендіктерін көрсетті» 10810 әскери бөлімі командирінің жауынгерлік даярлық жөніндегі орынбасары майор Сағи Батырханов
Айта кетейік, далалық тәжірибелік ату жаттығуларында жеке құрам танк (Т-72) және БМП-2 ұрыс машиналарынан ату, жүргізу тапсырмаларын орындауда. Қаңтар айының соңына таман жеке құрам жауынгерлік міндеттерді орындаумен басқару органдарының бірлескен іс-қимылдарын үйлестіретін бөлімшелердің ату жаттығуын орындайтын болады.
Источник: qazaq.asia
