165 rob
Фотосурет: Қарағанды облысының әкімдігі
Биыл «Мың бала» республикалық мәдени-ағарту жобасына 320 мың бала қатысып, оның 35-і жеңімпаз атанды, деп хабарлайды DKNews.kz.
Үздіктер қатарында екі қарағандылық оқушылар да болды.
Балалар қазақ ақындарының музыкалық шығармаларын орындауды, мәнерлеп оқуды, сондай-ақ өздері шығарған өлеңдерін қамтитын концерттік нөмірлерін ұсынды.
Еліміздің барлық өңірлерінде «Өнерлі өрге жүзер» және «Жарқыра, жас дарын! » номинацияларымен қазақ білу бойынша 6 мыңнан астам шаралар мен байқаулар өтті. «Мың бала» қорытынды кезеңі Астанада өтті.
Шәкәрім атындағы Қарағанды гимназиясының 8-сынып оқушысы Қарасу Ахмет Мұстафа Бурак жобаға төртінші рет қатысып, «Өнерлі өрге жүзер» номинациясы бойынша төртінші рет жеңімпаз атанды.
Оның жетекшісі – қазақ тілі мен әдебиеті пәнінің мұғалімі Құралай Күбекова.
Сондай-ақ, осы номинация бойынша Қарқаралы ауданы Егіндібұлақ ауылының № 5 орта мектебінің 11-сынып оқушысы Альбина Девивые жеңімпаз атанды. Ол Мұқағали Мақатевтің «Сәби-Ана» өлеңін оқыды. Оның жетекшісі – қазақ тілі мен әдебиеті пәнінің мұғалімі Алтынгүл Ыбраева.
– Альбинаға 5-сыныптан бастап қазақ тілі мен әдебиетінен сабақ беремін. Ол көптеген аудандық және облыстық мәнерлеп оқу байқауларының жеңімпазы, алғыс хаттармен және дипломдармен марапатталған. Биыл алғаш рет «Мың бала» жобасына қатысты.
Жеңімпаздар қатарына кіру – қажырлы еңбектің нәтижесі. Бәсекелестік үлкен болды, барлық балалар жақсы дайындалды. Бірақ менің оқушым үздік атанды, – деп атап өтті Алтынгүл Ыбраева.
«Мың бала» республикалық мәдени-ағарту жобасы әртүрлі этникалық топтардың мыңдаған мектеп жасына дейінгі балалары мен оқушыларына қазақ тілі мен мәдени ортасына, тарихқа баулуына, қазақ халқының салт-дәстүрлері туралы білуге мүмкіндік береді.
Источник: qazaq.asia
