192 Арман
Ұлттық ұлан Бас қолбасшысының тәрбие және әлеуметтік-құқықтық жұмыс жөніндегі орынбасары генерал-майор Қайрат Үмбетов Жаңа жыл қарсаңында елордалық жедел бригадаға барды, деп хабарлайды DKNews.kz.
Қайрат Жарылқасынұлы Аяз ата және Ақшақармен бірге кезекші ауысымды, оқу пунктін, ішкі қарауыл құрамын және қоғамдық тәртіпті сақтау жөніндегі міндеттерді орындайтын әскери жасақты келе жатқан Жаңа жылмен құттықтады.
Қазақстан Республикасы Ұлттық ұланы Бас қолбасшысының атынан және өз атымнан Сіздерді 2024 жылдың басталуымен құттықтаймын. Келер жылы да бізді еліміздегі қоғамдық қауіпсіздік пен құқықтық тәртіпті сақтау бойынша өзгермейтін міндеттер күтіп тұр. Біз болашаққа оптимистік көзқараспен қараймыз және жақсылыққа шын жүректен сенеміз. Мереке қарсаңында барлық жеке құрамға жанқиярлық қызметі мен әскери борышына адалдығы үшін алғыс айтқым келеді. Сіздерге және жақындарыңызға денсаулық, қызметте табыс және амандық тілеймін. Генерал-майор Қайрат Үмбетов
Сапар барысында Бас қолбасшының орынбасары әскери қызметшілердің жоғары кәсібилігі мен тәртібіне, сондай-ақ олардың жаңа жылды мерекелеудегі дайындығына тәнті болды. Сонымен қатар ол күшті және адал әскерилерді мақтан ететінін айтып, олардың жыл сайын күшейе түсетініне сенім білдірді.
Айта кетейік, жаңа жылдық құттықтау аясында құқықтық тәртіп әскерлерінің бас тәрбиешісі Астана қаласында тікелей қызмет атқаратын әскери жасақтардың әскери қызметшілерін құттықтап, оларға грамоталар, алғыс хаттар, сондай-ақ бағалы Жаңа жылдық сыйлықтар табыс етті.
Источник: qazaq.asia
