322 Арман
Ұлттық ұлан Бас қолбасшылығының тәрбие және әлеуметтік-құқықтық жұмыстар Бас басқармасының басшысы полковник Александр Крамар елорда қаласындағы 6636 әскери бөліміне арнайы барып, сарбаздарды Жаңа жыл мерекесімен құттықтады, деп хабарлайды DKNews.kz.
Мереке қарсаңында әскери бөлімнің жауынгерлері арнайы концерттік бағдарлама ұйымдастырды. Әскер қатарына жақында қосылған сарбаздардың өнерін құрметті қонақпен қатар әскери бөлімнің командирі полковник Ерлан Буранбаев та тамашалады.
Сіздерді ҚР Ішкі істер министрінің орынбасары – Ұлттық ұланның Бас қолбасшысы генерал-лейтенант Еркін Ботақанов пен әскеріміздің бас тәрбиешісі, Халық қаһарманы генерал-майор Қайрат Үмбетовтың және өз атымнан 2024 жылдың басталуымен құттықтаймын. Кеше ғана азаматтық ортада жүрген сіздер бүгінде темірдей тәртіпке сүйенген әскери ортаға келіп отырсыздар. Келе сала Жаңа жыл мерекесін атап өтіп жатырсыздар. Іс-шараға белсенді атсалысқандарыңызға көзіміз жетті. Ашық-жарқын мінездеріңізді көріп, қоғам алдындағы міндеттерді абыроймен атқара алатындарыңызға сеніммен қарай аламын. Отан алдындағы борыштарыңызды мінсіз атқарып шығуларыңызға тілектеспін! Жаңа жыл сіздерге жақсылық әкелсін. Деді жауынгерлерді құттықтаған ТжӘҚЖ Бас басқармасының басшысы
Сонымен қатар әскери бөлім басшысы мен полковник Александр Крамар оқу пунктін, ішкі қарауыл құрамын және кезекшілікке түскен әскери қызметшілерді Жаңа жылмен құттықтады.
Бүгінгідей мереке күні ата-аналарыңыз «баламыз не істеп жатыр екен?» деп ойлауы мүмкін. Мұндай сәтте сіздердің жауаптарыңыз әзір. Сіздер Отан алдындағы міндеттеріңізді орындап жүрсіздер. Мерекенің атмосферасын да сезініп отырсыздар. Сондықтан өздеріңізге жүктелген тапсырмаларды тыңғылықты атқарып, ата-аналарыңыздың, Отанымыздың үмітін ақтаңыздар. Жаңа жыл сіздер үшін табысты, берекелі болсын! Деді әскери бөлім басшысы полковник Ерлан Буранбаев
Әскери бөлімдегі әр ротаның үздік жауынгерлеріне Ұлттық ұлан Бас қолбасшысының атынан грамота, әскердің бас тәрбиешісі атынан алғыс хат табысталды. Мұндай құрметке Ұлттық ұлан Бас қолбасшылығында жауынгерлік қызмет атқарып жүрген сарбаздар мен кезекшілікке түскен әскери қызметшілер де ие болды.
Источник: qazaq.asia
