176 rob
Фотосурет: Қарағанды облысының әкімдігі
Қарағандылық Әділ Хамиттің командасы оқушыны виртуалды Лондонға апарып, оған 3D- сол тілде сөйлеушінің көмегімен ағылшын тілін үйренуге көмектесе алады, деп хабарлайды DKNews.kz.
NEO IT-компаниясының негізін қалаушы және ондаған интерактивті оқыту бағдарламаларының авторы өз ісін дамытуға Қарағанды облысы әкімінің грантын алды.
Ол тәжірибелі бағдарламашылар тобымен бірге оқушыларды қазақ, орыс, ағылшын, қытай, француз және испан тілдерін үйрену үшін шынайы виртуалды ортаға баули алатын жасанды интеллект-мұғалім құрды.
Сондай-ақ, жасанды интеллект көмегімен химия, физика және басқа пәндер бойынша зертханалық сабақтар өткізуге болады. Виртуалды әлемді көрсететін көзілдіріктер арқасында мектеп оқушылары мен студенттер елдерді аралап, тұрғындарымен сөйлесе алады және әртүрлі пәндер бойынша білімдерін жетілдіре алады.
– Жасанды интеллект-мұғалім болашақта мұғалімдер жетіспейтін аймақтардағы ұстаздарды алмастыра алады. Ол оқушыларға мәтіндік сұраулар беріп қана қоймайды, сонымен қатар әртүрлі кейіпкерлер түрінде олармен сөйлесе алады және олардың сұрақтарына жауап бере алады, – дейді Әділ. – ЖИ бағдарламалық жасақтамасын Windows негізіндегі компьютерлерге және Android гаджеттеріне орнатуға болады. Болашақта ол iOS пайдаланушылары үшін де қол жетімді болады. Оны әзірлеу үшін бізге шамамен бір жыл қажет болды. Бізге облыс әкімінің 2 млн теңге көлеміндегі гранты көп көмектесті. Осы қаражатқа біз виртуалды шындық көзілдірігін алдық.
Қазір жасанды интеллект пысықталу сатысында. Оқу процесіне тестілеу режимінде енгізу үшін Әділ Ғылым және жоғары білім министрлігінің гранттық қаржыландыруына өтініш берді. Өнімді енгізу үшін тәжірибелік алаң ретінде Әбілқас Сағынов атындағы Қарағанды техникалық университетінің Қазақ тілі кафедрасы тандалды.
Әділдің компаниясы грант алушылардың бизнес-жоспарлары сәтті жүзеге асқан жалғыз мысал емес. Мемлекет көмегін алып, қарағандылық Сәуле Ақылбек Sauleli ui тігін салонын ашты. Қазір оның тоқыма өнімдеріне тапсырыс берушілер тек Қазақстанның дәмханалалары мен мейрамханалары ғана емес, сонымен қатар ТМД елдерінен, сондай-ақ АҚШ, БАӘ, Швейцария және Швециядан келген үй жайлылығын сүйетіндер болып табылады.
– Бала күтіміне байланысты демалыста болғанда мен өзіме мерекелік дастархан тігуді шештім, ол кезде пандемияға байланысты дүкендер жабық еді. Мұның бәрі сол кезден басталды, – дейді Сәуле. – Өнімдерім менің қонақтарыма ұнады. Мен декреттік ақшама қажетті материалды сатып алып, тігуді бастадым. Уақыт өте келе тапсырыстар көбейе түсті, ассортиментімді кеңейттім, әлеуметтік желілерде парақшамды аштым, оны жарнамалай бастадым. 2021 жылы қала әкімінің грантына қажетті құрал-жабдықтар сатып алып, цех аштым. Өткен жылы өз өндірісімді 2 млн теңгеге дамыту үшін облыс әкімінің грантын алып, үш жұмыс орнын аштым.
Бүгінгі таңда Sauleli ui ассортиментінде тек дастархан ғана емес, сонымен қатар алжапқыштар, раннерлер, халаттар және басқа да бұйымдар бар.
Қарағанды облысында 2005 жылдан бастап бизнесті дамытуға 700-ден астам ісін жаңа бастаған кәсіпкер грант алды. Бүгінгі таңда олар өздерінің бизнес-жобаларын сәтті жүзеге асыруда және жаңа жұмыс орындарын құруда.
Источник: qazaq.asia
