359 rob
Фотосурет: Қарағанды облысының әкімдігі
Қарағандыда белсенді жастарға әкімінің Qaraghandy Jastary сыйлығы табысталды, деп хабарлайды DKNews.kz.
Ол 14 пен 35 жас аралығындағы қала тұрғындарына жастар арасында танымал болған ғылыми, шығармашылық, кәсіби және қоғамдық қызметі үшін беріледі.
Биыл конкурсқа қатысуға 57 үміткер өтінім берді. Сыйақы мөлшері – 300 мың теңге.
– Біз екінші жылдан бері жеңімпаздарды анықтаған кезде баллдық жүйені қолданып келеміз. Егер бұрын олар дауыс беру арқылы таңдалса және көптеген даулар туындаса, қазір әр номинация бойынша бағалау парақтары жасалды. Сондай-ақ, біз биылғы жылы тағы бір шартты қостық: әр үміткер өзінің әлеуметтік желідегі парақшасында осы сыйлыққа неге лайық екендігі туралы бейнеролик жариялауы керек еді. Алдымен біз комиссияны үміткерлердің құжаттамасымен таныстырдық, бұдан әрі қорғау кезеңі болды, бағалау негізінде жеңімпаздар анықталды. Комиссияға депутаттар, қоғам қайраткерлері, түрлі қызмет салаларының өкілдері кірді, – деді Қарағанды Жастар ресурстық орталығының директоры Якуб Джамалов.
Биылғы Қарағанды әкімі сыйлығының иегерлері:
— «Жас ерікті» – Қарағанды облысы Кәсіподақ орталығының жастар жөніндегі бас маманы, «Келешек» жастар кеңесінің төрағасы Аймира Баграмова;
— «Жас педагог» – Н. Нұрмақов атындағы мамандандырылған мектеп-интернат-лицейінің тарих пәнінің мұғалімі Әсем Тарыбаева;
– «Жас спортшы» – армрестлингтен әлемнің, Азияның және Қазақстанның үш дүркін чемпионы Никита Ермаков;
— «Жас дәрігер» – «Қарағанды медицина университеті» КЕАҚ отбасылық медицина бағыты бойынша резидент Аманжол Әбдірахманов;
— «Жас жұмысшы» – «Maker» ЖШС Қарағанды құю зауытының 3 разрядты фрезерлеушісі Нұрғазы Абзалбек;
— «Жас Отан қорғаушы» – Б. Бейсенов атындағы ҚР ІІМ Қарағанды академиясының ІІО тарихи-ғылыми орталығының аға ғылыми қызметкері Монай Құлынтай;
— «Мәдени-әлеуметтік дамуға қосқан үлесі үшін» – шертпе-күй шебері, Тәттімбет атындағы Өнер колледжінің домбыра сыныбының оқытушысы Мадияр Сүлейменов.
«Жас спортшы» номинациясының жеңімпазы Никита Ермаков бала кезінен спортпен айналысады. Жарақат алғанға дейін ол кикбоксингпен айналысқан. Қазір-параармрестлингте. Сондай-ақ, денсаулығына байланысты шектеулері бар балалар мен ересектерді жаттықтырады.
– Бізге залға балаларға арналған оңалту тренажері қажет, сондықтан қатысуға шешім қабылдадық. Мен параармрестлингпен айналысамын. Үш жыл ішінде үш әлем чемпионатында жеңіске жеттім. Қазір мүмкіндігі шектеулі балаларды, жарақаттан кейінгі адамдарды, сондай-ақ дені сау балаларды жаттықтырамын. Қалалық, облыстық турнирлерді өткіземін. Біздің өңірде өз спортымды барынша дамытуға тырысым жүрмін. Тірек-қимыл аппараты бұзылған адамдармен жұмыс істеу бойынша оқудан өттім. Тіпті арбадан тұрып кеткендер де бар, – дейді армрестлингтен халықаралық дәрежедегі спорт шебері Никита Ермаков.
Источник: qazaq.asia
