335 rob
Фотосурет: pixabay.com
Еңбек және халықты әлеуметтік қорғау министрлігі жастарды әлеуметтік қолдау шараларын әзірледі. 6 мың жас азаматқа 5 жылға 2,5%-бен 5 млн теңгеге дейін жеңілдікпен несие берілетін болады. Ерекше қажеттіліктері бар жастарға және халықтың әлеуметтік осал топтарынан шыққан азаматтарға 1,2 млн теңге мөлшерінде 9 мың грант беріледі. Осы мақсатта 28 млрд теңге бөлінді. ОКҚ алаңында өткен брифинг барысында Еңбек және халықты әлеуметтік қорғау министрі Тамара Дүйсенова атап өткендей, бұл қаржы 35-ке дейінгі жастарға арналған, деп хабарлайды DKNews.kz.
Т. Дүйсенованың айтуынша, несиені әртүрлі санаттардағы 18 бен 35 жас аралығындағы жастар ала алады.
«Конкурс өткізіліп, әркім өзінің бизнес-жоспарын ұсынады. Бизнес-идеяның өзектілігі жастарға несие беруге негіз болады» Тамара Дүйсенова
Т. Дүйсенованың айтуынша, бизнес-идеялардың өзектілігін өңірлер анықтауы керек, өйткені жергілікті жерлерде қандай жоба қажет екенін олар жақсы біледі.
Сондай-ақ еңбек және халықты әлеуметтік қорғау министрі ерекше қажеттіліктері бар жастарға 1,2 млн теңге көлемінде грант қалатынына назар аударды, ол өтеусіз беріледі.
Источник: qazaq.asia
