188 Awrora
Фотосурет: Руслан Кадыров
Жетісулық ұстаз Халықаралық байқаудың жүлдегері атанд, деп хабарлайды DKNews.kz.
Сарқан ауданы Абай атындағы мектеп-гимназиясының орыс тілі мен әдебиеті пәндерінің мұғалімі Наталья Сергеевна Максименко жуырда Мәскеу қаласында өткен «Лучшая русская школа за рубежом» Халықаралық конкурсынан жүлдемен оралды. Бүгін жеңімпаз ұстазды облыстық білім басқармасының басшысы Марат Сүлейменов қабылдап, құрмет көрсетті, деп хабарлайды Жетісу облысы әкімінің баспасөз қызметі.
Ресей астанасында желтоқсан айында өткен «Лучшая русская школа за рубежом» Халықаралық байқауына барған Наталья Максименко «Учитель-международник» жеке аталымында ІІІ орынды иеленді. Ол байқауға «Орыс тілінде оқытпайтын мектептегі орыс тілі мен әдебиетін оқытуда медиа сауаттылық компоненттерін қосу» жобасын ұсынған.
«Бұл конкурс туралы мәліметтерді телеграм канал арқылы оқып, біліп, өз бастамаммен қатыстым. Қазіргі жасөспірімдер көп уақытын интернетте өткізеді. Сондықтан оларға тілдік нормаларға сүйене отырып, ақпараттарды қорытуға дағдыландырудың, сауаттылыққа үйретудің маңызы зор» Наталья Максименко
Өз кезегінде облыстық білім басқармасының басшысы Марат Сүлейменов педагогтың еңбегін атап өтіп, ҚР Оқу-ағарту министрінің және облыс әкімінің Алғыс хаттарын табыстап, Мұхтар Әуезовтің «Абай жолы» кітабын сыйға тартты. «Білім беру ісін жетілдірудегі табыстарыңыз үшін және өскелең ұрпақты оқыту мен тәрибелеуге қосқан елеулі үлесіңіз үшін Сізге Алғыс жариялаймын! Сіз Жетісу өңірінің білім саласын халықаралық деңгейде танытып, педагогикалық жауапты әрі игілікті еңбегіңіздің арқасында жоғары бағаға ие болыңыз. Сізге мықты денсаулық, шығармашылық табыс, отбасыңызға бақ-береке тілеймін!» делінген облыс әкімінің Алғыс хатында.
Наталья Сергеевна Максименко Сарқан ауданы Абай атындағы мектеп-гимназиясында орыс тілі мен әдебиеті пәнінінен ұстаздық етеді. Ол 2001-2005 жыл аралығында І. Жансүгіров атындағы Жетісу мемлекеттік универсиетінде орыс тілі мен әдебиеті пәні бойынша білім алған. 2005-2012 жыл аралығында Сарқан ауданы Островский атындағы мектеп лицейінде, 2012 жылдан бүгінге дейін Сарқандағы Абай атындағы мектеп-гимназиясында еңбек етіп келеді. 18 жылдық ұстаздық жолында ол бұған дейін де бірқатар байқауларда жүлдегер атанған.
Мәселен, «ПедСтарт» орыс тілі пәні мұғалімдеріне арналған республикалық олимпиадасының І және ІІ дәрежелі дипломға, Мәскеу қаласында өткен «Пушкинский диктант» халықаралық бауқауында Алғыс хатқа ие болған. Сол сияқты ҚР Білім және ғылым министрлігінің Құрмет грамотасын алған.
Источник: qazaq.asia
