203 rob
Ақтауда «Еңбек көші-қонын басқаруды жақсарту және Қазақстандағы көші-қон саясаты тұжырымдамасын тиімді іске асыру» тақырыбында дөңгелек үстел өтті, онда еңбек көші-қоны саласындағы саясатты интеграциялау, көші-қон саласындағы ағымдағы олқылықтар мен проблемаларды анықтау мәселелері талқыланды, деп хабарлайды DKNews.kz.
Іс-шараға ҚР Еңбек және халықты әлеуметтік қорғау министрлігінің, Халықаралық көші-қон ұйымының және жергілікті атқарушы органдардың өкілдері қатысты.
Қатысушылар көші-қон саласындағы ағымдағы проблемалық мәселелерді және оларды шешу жолдарын талқылады, сондай-ақ еңбек көші-қонын дамыту жөніндегі өзара іс-қимыл туралы уағдаласты.
Халықаралық сарапшылар «Еңбек көші – қоны бағдарламасы – Орталық Азия» өңірлік жобасының іске асырылу барысы туралы хабардар етті, оның шеңберінде адамдардың елдерді дамытуға ұтқырлығын барынша пайдалану мақсатында еңбек көші-қонын басқаруды жетілдіру жөніндегі жұмыс жүргізілуде.
Источник: qazaq.asia