302 rob
ЦДИАӨМ министрі Бағдат Мусин байланыс сапасының проблемалық мәселелері бойынша байланыс операторларымен жиын өткізді. Ведомство басшысының айтуынша, байланыс сапасына тұрғындардың шағымдары арта түсуде, деп хабарлайды DKNews.kz.
«Бүгінгі таңда интернет — бұл әлеуметтік қажеттілік, оны адамның негізгі қажеттіліктерінің бірі деп айтуға болады. Біз тұрғындарды сапалы интернетпен қамтамасыз етуге міндеттіміз» Бағдат Мусин
Министр бұл мәселе тек ауылдарда ғана емес, Астананың Сол жағалауының орталық көшелерінде де өткір тұрғанын атап өтті.
«Жұртшылық бостан бос шағымданбайды. Астанадағы Тұран даңғылына шықсақ байланыстан ажырап қалатын кездер болады. Манхэттен, SAT City тұрғын үй кешені және КАЗГЮУ аумағында байланыс сапасы нашар. Сіздер бұл жақта көп қабатты үйлердің көп емес екенін түсінулеріңіз керек. Бұл мәселені бірлесіп шешуіміз керек» Бағдат Мусин
Бағдат Мусин өзара іс-қимылды күшейтуді және техникалық қызмет басшыларымен, құрылыс компанияларымен, жер иелерімен тығыз байланыс орнатуды және жағдайды үнемі бақылауды тапсырды. Оның айтуынша, проблемалық жер учаскелерін анықтап, әкімдікпен бірге мәселені сол жерде шешу қажет. Министр операторларды байланыс сапасына қатысты мәселелерді уақытылы шешуді тапсырды.
«Біз реттеуші ұйым ретінде айыппұлдарды салуды тоқтатпаймыз, алайда бірақ менің ойымша, бұған басқаша бағытта қарау керекпіз. Яғни, келіссөздерге келіп, әр тақырып пен бағыт бойынша мәселелерді бірлесе шешуіміз керек» Бағдат Мусин
Источник: qazaq.asia
