816 rob
Бартоғай су қоймасында жоғалған отбасының туыстары Алматы облысы ТЖД қызметкерлеріне 2023 жылдың 3 қаңтарында Бартоғай су қоймасындағы таулы жерлерде жоғалған туыстарын құтқарғаны үшін алғыс білдірді, деп хабарлайды DKNews.kz.
Бартоғай су қоймасында жоғалған отбасының туысы Ольга Чириченко жолдаған аудио алғыс:
Естеріңізге сала кетейік, жеті адамнан тұратын отбасы (төрт ер адам, екі әйел және бала), 2023 жылдың екінші қаңтарында екі жеңіл автокөлікпен Алматы қаласынан Асы үстіртіне қарай аттанып, үйлеріне оралмады. Іздеуді ТЖ департаментінің, Республикалық жедел-құтқару жасағының күштері жоғары өтімді техниканы, сондай-ақ жергілікті атқарушы органдары, полиция департаменті мен еріктілерді тарта отырып жүргізілді.
2023 жылғы 3 қаңтарда сағат 20-30-да Бартоғай су қоймасы тарапынан Республикалық жедел-құтқару жасағы мен Қонаев қаласы жедел-құтқару жасағы тобының күшімен Фесенков атындағы Астрофизика Институтының обсерваториясына жетпей 40-қа жуық автомашина табылды, олардың арасында жоғалған отбасы да болды. Құтқарушылардың күшімен автокөліктерге жанармай құю және адамдарды колоннадағы машиналармен эвакуациялау жүргізілді. Байланыс спутниктік байланыс арқылы сақталды. 2023 жылғы 5 қаңтарда сағат 21.45-те Бортоғай су қоймасындағы қар құрсауында қалған барлық адамдар эвакуацияланды.
Жоғалған адамдарды құтқарушылар тапқанын және бәрі жақсы аяқталғанын білген туыстары ТЖ департаментінің қызметкерлеріне қажырлы еңбектері үшін шын жүректен алғыс айтып, адамдарды құтқару ісінде денсаулық пен табыс тіледі.
Источник: qazaq.asia
