220 rob
Фотосурет: Алматы әкімдігі
Алматыда «Жаңа жыл елімізді аралауда» дәстүрлі Президент шыршасы өтті, деп хабарлайды DKNews.kz.
Мерекеге 300-ден астам бала, оның ішінде жетім балалар, ата-ананың қамқорлығынсыз қалған балалар, аз қамтылған және көпбалалы отбасылардан шыққан балалар, ерекше білім беру қажеттіліктері бар балалар, сондай-ақ оқуда, спортта және шығармашылықта жетістікке жеткен дарынды балалар шақырылды.
Мемлекет басшысы Қасым-Жомарт Тоқаевтың атынан шырша қонақтарын Алматы әкімі Ерболат Досаев құттықтап, балаларға зор денсаулық, табыс және жаңа жылда барлық ниет- армандарының орындалуын тіледі.
Концерттік бағдарлама «Жаңа жылдық сиқыр» музыкалық-интерактивті шоу-спектаклі болды. Спектакльдің ажырамас бөлігі Еркеш Хасеннің оырндауында «Жаңа жыл» әнінің орындалуы мен балалардың шыршаны айналып, осы әнді айтулары арқылы Шыршаның жағылуы, Аяз Ата мен Ақша қардың, 2024 жылдың символы – айдаһар мен танымал мультфильмдер мен аниматорлар кейіпкерлер болды.
Айта кетерлігі, биыл шыршаның төменгі бөлігіне ойыншықтар ілінбеді, балалар өздері оны безендіруге қатысып, «жасыл шыршаға» жаңа жылдық ойыншықтарды ілді.
Іс-шара соңында барлық қонақтар Қазақстан Республикасы Президентінің атынан жаңа жылдық сыйлықтар алды.
Источник: qazaq.asia
