276 rob
Аягөз гарнизоны танк бригадасында жауынгерлік әзірлік жоспарына сәйкес бөлімшелер мен есептоптардың жауынгерлік атыстары жүргізілуде, деп хабарлайды DKNews.kz.
Бөлімшелердің жауынгерлік ату жаттығу дайындығының мақсаты – бөлімше мен есептоп командирлерінің кәсіби дағдыларын жауынгерлік ұрыста және кенеттен туындаған жағдайларда дұрыс шешім қабылдауын, сондай-ақ оларды басқаруын тексеру болып табылады.
Әскери бөлімдегі атысқа тартылған барлық бөлімшелер мен есептоптардың жаттығулары жауынгерлік дайындықтың жоғары деңгейіне келтіру арқылы басталды. Оқу-жауынгерлік тапсырмаларды жүзеге асыру мақсатында бөлімшелердің жеке құрамы оқу-жаттығу алаңына жол тартып, тактикалық дайындық барысында нормативтерді орындау бойынша шеберліктерін шыңдауда.
«Майлин» далалық оқу жаттығу полигонындағы жауынгерлік атыс жүргізу үшін бөлімшелердің барлық қару түрлерінен атыс жүргізуді көздейтін жағдай жасалынған.
— Аталмыш оқу-жаттығу кезінде бөлімшелер қауіпсіздік шараларын қатаң сақтай отырып, тактикалық іс-қимылдардың дұрыстығына, ұрыста штаттық қаруды шебер, әрі тиімді пайдалануға айрықша назар аударылады. Сонымен қатар, бөлімшелердің жауынгерлік атыстары жеке құрамның теориялық білімдерінің нығаюына, жаңа қосылған жауынгерлердің тәжірибе алуына және жалпы бөлімшенің қызметтік міндеттерін сапалы орындауына оң ықпал ететіні сөзсіз, – деді танк бригадасы командирінің жауынгерлік даярлық жөніндегі орынбасары майор Сағи Батырханов.
Айта кетейік, бөлімшелердің жауынгерлік ату жаттығуы — бұл тактикалық дайындықты оқытудың ең жоғары түрі, бұл бөлімшелерді жауынгерлік үйлестіру мен атыс жаттығуларының соңғы кезеңі. Қазіргі уақытта барлық бөлімшелермен күндізгі және түнгі уақытта қарудан жауынгерлік атыстарын жүргізуде.
Источник: qazaq.asia
