199 rob
Фотосурет: shutterstock
Жыл қорытындысы бойынша көлік саласының барлық негізгі индикаторлары жақсы көрсеткіштерге жетіп, өсім 7 пайызды құрады, деп хабарлайды DKNews.kz.
Инвестициялар көлемі 1,6 есе өсіп, 1,8 трлн теңгеге жетті.
Министрлік тарапынан маңызды сұрақтар бойынша нақты шаралар қабылданды. Атап айтқанда:
- ұзаққа созылған жол жобаларын жеделдету;
- Транскаспий халықаралық көлік маршрутын дамыту;
- теңіз порттарының инфрақұрылымын нығайту;
- транзиттік темір жол жүк тасымалдарын ұлғайту;
- Қазақстан-Қытай шекарасындағы шекаралық өткелдердің өткізу қабілетін арттыру;
- әуе сапарларына деген өсіп келе жатқан сұранысты қанағаттандыру.
Нәтижесінде «Талдықорған-Өскемен», «Астана-Алматы» автожолдарымен жол жүру қамтамасыз етілді, «Қандыағаш-Мақат» учаскесінің құрылысы аяқталды, «Үшарал-Достық» тас жолы толығымен салынды. Сонымен қатар биыл БАКАД пайдалануға берілді.
Теміржол саласында 133 жаңа локомотив пен 275 жартылай вагон сатып алынды. Достық – Мойынты учаскесінде екінші жолдардың құрылысы жүргізіліп, Қытайдың Сиань қаласында жеке терминал ашылды.
Жыл ішінде 10 жаңа ұшақ сатып алынып, 23 бағыт бойынша 13 елге жаңа рейстер жаңартылды және ашылды. Ішкі тасымалдау көлемі қалпына келтіріліп, тасымалдаушылардың жұмысы және жолаушылардың құқықтарын қорғау тетіктері жақсартылды.
Биыл Транскаспий халықаралық көлік маршруты бойынша 2 млн 750 мың тонна жүк тасымалданды, бұл 2022 жылмен салыстырғанда 64%-ға артық.
Маршруттың әлеуетін дамыту үшін Поти портында терминал құрылысы басталып, 2 мұнай танкері сатып алынды. Сонымен бірге Құрық портында Abu Dhabi порттарымен бірлесіп астық терминалы іске қосылды, таза сутегі мен аммиакты Еуропаға тасымалдау жөнінде келісімге қол қойылды.
Источник: qazaq.asia
