213 Арман
Ауа райының нашарлауына байланысты (боран, нашар көріну, көктайғақ) автожолдардың 72 учаскесі жабылды, 40 республикалық және 32 облыстық маңызы бар, деп хабарлайды DKNews.kz.
Жолдарда ТЖ жою жөніндегі республикалық штаб құрылды, осыған ұқсас штабтар өңірлерде (Абай, Ақмола, Қарағанды, Жамбыл және Жетісу облыстарында) жұмыс істейді.
Блок-бекеттерде 1000 бірліктен астам автокөлік құралдары жиналды.
Ағымдағы тәулікте құтқару бөлімшелерімен 691 адам құтқарылды және эвакуацияланды, оның ішінде 137 бала,145 бірлік техника қар құрсауынан шығарылды.
Халықты эвакуациялау үшін автожолдардың жабық учаскелерінде уақытша жылыту пункттері дайындалды, сондай-ақ эвакуациялау үшін техника дайын тұр.
Уақытша жылыту пункттерінде 179 адам, оның ішінде 16 бала бар.
Халықты ескерту мақсатында ауа-райының нашарлауы туралы 232 СМС-хабарлама, сондай-ақ «Дармен» мобильді қосымшасы арқылы 114 хабарлама жіберілді.
Авариялық-құтқару жұмыстарына барлығы 4000-нан астам адам және 1300 бірлік ТЖМ, ІІМ және ЖАО техникасы жұмылдырылды.
Республикалық жедел-құтқару жасағының күшімен Түрген шатқалынан Алматы қаласына 37 машинаны алып жүру жүргізілуде. Жол қызметтері жолды тазарту жұмыстарын жалғастыруда.
Источник: qazaq.asia
