129 Арман
Фотосурет: Canva
Қазақстан Республикасында Еуразиялық экономикалық комиссия Кеңесінің 2021 жылғы 5 сәуірдегі № 7 бұйрығын орындау мақсатында мемлекеттік кірістер органдары тауарлардың сыртқы электрондық саудасы саласында эксперимент (пилоттық жоба) жүргізуде, деп хабарлайды DKNews.kz.
Эксперимент «Қазақстан Республикасындағы кедендік реттеу туралы» Қазақстан Республикасы Кодексінің 45-1-тарауына және «Кедендік декларациялаудың, тауарлар санатының, Қазақстан Республикасында жүргізілетін тауарлардың сыртқы электрондық саудасы саласындағы экспериментті іске асырушы өңірдің және электрондық сауда тауарларына қатысты техникалық регламенттерді сақтаудың хабарламалық тәртібін қолдану ерекшеліктерін айқындау туралы» Қазақстан Республикасы Премьер-Министрінің орынбасары – Қаржы министрінің 2023 жылғы 4 шілдедегі № 739 бұйрығына сәйкес жүргізіледі.
Эксперименттің мақсаты электрондық сауда операторларының (Оператор) жеке тұлғалардың интернет арқылы шетелдік интернет-алаңдарында (интернет-дүкендерде) сатып алған және Қазақстан Республикасына халықаралық пошта жөнелтілімдері немесе экспресс-жүктер ретінде әкелінетін тауарларды кедендік декларациялауды енгізуі болып табылады.
Эксперимент шеңберінде жеке тұлғалардың электрондық сауда тауарларын сатып алуы және оларды кедендік декларациялаудың екі әдісі сыналады.
- «Тікелей жеткізу» кезінде — жеке тұлға интернет арқылы шетелде тауарларды сатып алғанда жеткізу жөнелтушіден алушыға тікелей пошта сәлемдемесі немесе экспресс-жүк ретінде (стандартты әдіспен) жүзеге асырылады. Мұндай тауарлардың кедендік декларациялауын Оператор жүргізеді.
- Оператор қоймасынан тауарларды жеткізу кезінде – шартты негізде (онлайн-платформамен немесе тауар өндірушімен) Операторлар электрондық сауда тауарларының коммерциялық партиясын кедендік аумаққа әкелуді және оларды өздерінің немесе жалға алынған қоймаға (сақтау мерзімі 3 жыл) кеден қоймасының кедендік рәсімімен орналастыруды жүзеге асырады. Жеке тұлға тауарды шетелдік интернет-дүкен арқылы сатып алу кезінде, мұндай тауарды оған Оператор қоймасынан өткізуі мүмкін. Бұл әдіс алушыға тауарды жеткізуді жылдамдатуға және уақытты айтарлықтай қысқартуға мүмкіндік береді. Оператор келесі айдың 15-не дейін ЕАЭО БКТ мөлшерлемелері бойынша салықтар мен кедендік баждарды төлей отырып, ішкі тұтыну үшін тауарларды шығару рәсімімен кедендік қойма рәсімін жабады.
Электрондық сауда тауарларын сатып алудың екі әдісі де оларды Электрондық сауда операторының кедендік декларациялау жүргізуіне мүмкіндік береді және жеке тұлға — сатып алушы өзінің тапсырысын кедендік қатынаста тазартылған түрінде алады.
Экспериментті ЕАЭО Кеден кодексіне және «Қазақстан Республикасындағы кедендік реттеу туралы» Қазақстан Республикасының Кодексіне сыртқы электрондық сауданы реттеу мәселелері бойынша түзетулер күшіне енгенге дейін жүргізу жоспарлануда.
Қазақстан Республикасында эксперимент шеңберінде «Қазпочта» АҚ Ұлттық пошта операторы бірінші электрондық сауда операторы болып айқындалды.
Источник: qazaq.asia
