236 rob
Фотосурет: ҚР Қорғаныс министрлігінің баспасөз қызметі
ҚР Қарулы күштерінің Ұлттық әскери-патриоттық орталығында Бас әскери-медициналық басқарма бастығы медицина қызметінің полковнигі Ержан Смайылдың басшылығымен дөңгелек үстел отырысы өтті, деп хабарлайды DKNews.kz.
Іс-шараға күштік ведомстволар әскери-медициналық бөлімшелерінің, Денсаулық сақтау министрлігінің өкілдері, «Әлеуметтік медициналық сақтандыру қоры» КЕАҚ және «СК-Фармация» ЖШС мамандары қатысты.
Іс-шараны ашқан медицина қызметінің полковнигі Ержан Смайыл денсаулық сақтау жүйесінің халықтың денсаулығын сақтаудағы маңыздылығын атап өтті. Ол сондай-ақ, қолда бар тәжірибені ескере отырып, әртүрлі ведомстволардың өкілдеріне әріптестерімен бөлісетін көптеген мәселелердің бар екеніне сенім білдірді.
Кездесуге қатысушылар ведомствоаралық өзара іс-қимыл, инфрақұрылымдық даму, материалдық-техникалық жарақтандыру және медицина саласын цифрландыру мәселелерін талқылады.
Шет мемлекеттерге кететін әскери қызметшілер мен олардың отбасы мүшелерінің санитариялық-эпидемиологиялық әл-ауқаты, медициналық сақтандыру саласында мемлекеттік қызметтер көрсету, әскери қызметшілерді санаторлық-курорттық емдеуді ұйымдастыру мәселелері бойынша пікір алмасты.
Кадрлық қамтамасыз ету және әскери медицина мәртебесін арттыру мәселелеріне ерекше назар аударылды.
Источник: qazaq.asia
