216 Awrora
Фотосурет: Gov
Астанада Қарулы күштердің басты шыршасы жағылып, «Жаңа жылдық тілектер» акциясы жарияланды, деп хабарлайды DKNews.kz.
Қарулы күштер Ұлттық әскери-патриоттық орталығында Қорғаныс министрінің орынбасары генерал-лейтенант Сұлтан Камалетдиновтың қатысуымен мерекелік іс-шара өтті.
Балаларды алдағы Жаңа жылмен құттықтауға Құрлық әскерлерінің бас қолбасшысы генерал-майор Асан Жүсіпов, Әуе қорғанысы күштерінің бас қолбасшысы авиация генерал-майоры Дәурен Қосанов және штаб бастығы – Әскери-теңіз күштері бас қолбасшысының бірінші орынбасары 1-дәрежелі капитан Қанат Ниязбеков келді.
Мерекелік іс-шараға әскери қызметшілердің балалары, «Жас сарбаз» балалар студиясының тәрбиеленушілері, Сағадат Нұрмағамбетов атындағы әскери колледж ұландары мен шығармашылық взвод сарбаздары қатысты.
Биік әсем шырша тұрған фойеде көтеріңкі атмосфера орнап, музыка ойналды.
Аяз Ата мен Ақшақардың пайда болуы балалардың ерекше қызығушылығын оятты. Ертегі кейіпкерлерімен бірге залға кірген Қорғаныс министрінің орынбасары генерал-лейтенант Сұлтан Камалетдинов балалар мен ата-аналарды келе жатқан Жаңа жылмен құттықтады.
«Бұл жарқын мереке әрқашан жүрегімізді ерекше рухани жылулық пен қуанышқа толтырып, үміт пен оптимизм сыйлайды. «Жас сарбаз» қозғалысының тәрбиеленушілері мен әскери колледж ұландарын ерекше құттықтағым келеді. Сендер жас та болсаңдар, белсенді және таланттысыңдар. Алдарыңда маңызды оқиғалар мен жарқын жетістіктер күтіп тұрғанына сенімдімін. Баршаңызға зор денсаулық, мол бақыт және амандық тілеймін» Генерал-лейтенант Сұлтан Камалетдинов
Балалар ертегі кейіпкерлерімен «Жаңа жыл» әнін бірлесе шырқады. Генерал-лейтенант Сұлтан Камалетдинов балалармен бірге Қарулы күштер бас шыршасының шамын жақты.
Іс-шара барысында министрдің орынбасары «Тілектер шыршасы» акциясын бастады. Үш ашық конвертте балалардың әскери бөлімдерге барғысы келетіндері жазылған.
Шымкенттік Арсеннің арманы танкке міну болса, ақмолдық Мағжан мен Інжу әскери ұшқыш мамандығы туралы көбірек білгісі келеді. Ақтаулық Нұршаттың арманы әскери кемемен теңізге шығу.
«Әр баланың арманы орындалуы керек деп есептеймін. Қарулы күштер түрлерінің бас қолбасшылары Арсен мен Мағжанның, Інжу мен Нұршаттың тілектерін орындауы керек» Генерал-лейтенант Сұлтан Камалетдинов
Бүгіннен бастап Қарулы күштердің барлық гарнизондарында, өңірлік қолбасшылықтарында, әскери бөлімдер мен мекемелерінде өтетін «Тілектер шыршасы» акциясы басталды.
Ұжымдық суретке түскеннен кейін концерт залында балаларға арналған Жаңа жылдық ертегіні тамашалау ұйымдастырылды.
Источник: qazaq.asia
