269 rob
Қарағанды облысының Балқаш қаласында Экология және табиғи ресурстар вице-министрі А.Шалабекова Ақтоғай ауданының балық шаруашылығы өкілдерімен кездесу өткізді, деп хабарлайды DKNews.kz.
Кездесу барысында өңірдегі балық шаруашылығының өзекті мәселелері талқыланды. Вице-министр кездесуде қатысушыларды балық шаруашылығын дамыту бойынша қабылданып жатқан шаралары мен перспективалары туралы хабардар етті.
Сонымен қатар, Балқаш-Алакөл облысаралық бассейндік балық шаруашылығы инспекциясы ұжымымен кеңес өткізілді. Инспекция қызметкерлеріне жергілікті тұрғындармен өзара іс-қимылда ашықтық қағидаттарын сақтауға, жұртшылықтың ұсыныстарын ескеруге және саланы дамыту бойынша мемлекет тарапынан қабылдаған шаралар туралы тұрақты негізде хабардар ету ұсынылды.
Сондай-ақ, Министрлік өкілдері Балық шаруашылығы ғылыми-өндірістік орталығының Балқаш филиалының қызметімен танысты.
Источник: qazaq.asia
