258 Awrora
Фотосурет: Gov
Қарағанды облысында елді мекендерді су тасқынынан қорғау үшін 14 км қорғаныс бөгеттері мен қорғандар тұрғызылып, нығайтылды, деп хабарлайды DKNews.kz.
Өңірде өзен арналарына санация жүргізілді, су бұру арналары салынды және жөнделді. Ауылдар мен кенттерде қосымша жергілікті хабарлау жүйелері орнатылды.
Қарағанды облысының әкімі Ермағанбет Бөлекпаевтың төрағалығымен өткен отырыста су тасқынына дайындық барысы талқыланды.
Облыстың ТЖД бастығы Мұрат Қатпанов қар жамылғысының космомониторингі қызметтеріне және облыс өзендерінде жарылыс жұмыстарын жүргізуге жағдай жасалатынын хабарлады. 1 наурыздан бастап су өткізгіш құбырлар мен көпірлерді тазалау жұмыстарын бастау жоспарлануда.
Қаңтар айында өзендердің жоғары жақтарының қаншалықты қар басқанын анықтау үшін аралау басталады. Сонымен қатар, барлық су тасқыны қаупі бар елді мекендер тексеріледі. Қазіргі таңда олардың саны 149.
Наурыз айында облыстық су тасқынына қарсы штаб жұмыс істей бастайды.
Су тасқыны кезеңіне дайындық туралы қалалар мен аудандардың әкімдері де есеп берді.
Ермағанбет Бөлекпаев барлық жауапты тұлғаларға су тасқынына қарсы барлық іс-шараларды үйлестіруді және сапалы іске асыруды қамтамасыз етуге тапсырма берді.
— Су басудың алдын алу үшін барлық қосалқы станцияларды тексеру қажет. Қалалар мен аудандардың әкімдеріне қарды жедел шығаруды тапсырамын. Қажет болса, қосымша техниканы тартыңыздар. Барлық тәуекелдерді болдырмау үшін бәрін мұқият тексеріп алыңыздар, — деп атап өтті аймақ басшысы.
Источник: qazaq.asia
