252 rob
Фотосурет: ҚР Ғылым және жоғары білім министрлігі
EUSPN-2023 және ICTH 2023 халықаралық ғылыми конференциялары өтті, деп хабарлайды DKNews.kz.
Конференцияны Elsevier компаниясымен бірлесіп Ғылым және технологиялар университеттерінің альянсы (Халықаралық ақпараттық технологиялар университеті, «Қазақстан-Британ техникалық университеті», Алматы энергетика және коммуникациялар университеті», Астана IT университеті) ұйымдастырды. Өзінің құттықтау сөзінде ХАТУ ректоры Асқар Хикметов әлемнің түкпір-түкпірінен жетекші ғалымдарды, зерттеушілер мен инноваторларды ғылыми алаңға жинаған конференция тақырыбының маңыздылығын атап өтті.
Зерттеушілер мен сала сарапшылары жаңа идеялармен, түпнұсқа зерттеулер нәтижелерімен және барлық жерде таралған жүйелер мен кең таралған желілерге қатысты барлық салалардағы тәжірибелерімен бөлісті.
Баяндамашылардың негізгі тақырыптары:
- Үлкен деректер және үлкен деректер туралы ғылым;
- Жаңа кең таралған/барлық жерде қолданылатын технологиялар;
- Интеллектуалды қозғалыс;
- Заттардың интернеті;
- Мобильді есептеу;
- Интеллектуалды қызмет көрсету жүйелері;
- Денсаулық сақтау жүйесін талдау және бағалау;
- Цифрлық ауруханалар;
- Электрондық және мобильді денсаулық;
- Электрондық денсаулық жазбалары (EHR) және жеке денсаулық жазбалары (PHR).
Канададағы университетінің профессоры доктор Хоссам Хассанеин – денсаулық сақтауда цифрлық технологияларды қолдану тәжірибесімен бөлісті, Острава техникалық университетінің ректоры доктор Вацлав Снашел (Чехия) – гиперболалық кеңістіктегі метаэвристикалық оңтайландыру туралы айтты.
2023 компьютерлік/ақпараттық технологиялар және денсаулық сақтау салаларында жұмыс істейтін академиялық және өнеркәсіптік пәнаралық зерттеушілерді, кәсіпқойларды және практиктерді біріктірді.
EUSPN-2023 және ICTH 2023 спикерлерінің барлық презентациялары Elsevier және ScienceDirect платформаларында қолжетімді Elsevier Science басылымының Procedia Computer Science сериясына (Scopus дерекқорындағы CiteScore пайыздық көрсеткіші – 70) қосылады. Procedia-дағы барлық жұмыстар Scopus және Engineering Village арқылы индекстеледі.
Конференциялар барысында қатысушылар конференцияны ұйымдастырушылардың ғылыми жобалар көрмесінде интерактивті ортада жетістіктерді көре алды.
Источник: qazaq.asia
