131 Awrora
Фотосурет: Ұлттық ұлан
Ағымдағы жылдың 15 қараша күні Жаңаөзен қаласының әкімі Айбек Қосуақов қызметтік іс-сапармен Ұлттық ұланның жаңаөзен қаласында орналасқан 5548 әскери бөліміне ат басын бұрды.
Сапар барысында қала әкімі бөлімнің әскери жағдайымен, тұрғын үй және сервистік инфрақұрлымның жай-күйімен жақынырақ танысып, оқу-жаттығу нысандарын аралады. Іс-сапар барысында Ұлттық ұланның 5548 әскери бөлімінің командирі подполковник Санат Табетов, қала әкіміне әскери бөлімнің атқаратын қызметтік-жауынгерлік тапсырмалары туралы баянат жасап, таныстырып өтті.
Өз кезегінде шаһар басшысы Айбек Қосуақов Ұлттық ұлан сарбаздары өңірдегі тұрақтылықпен азаматтардың қауіпсіздіктерін сақтап, құқықтық тәртіпті қамтамасыз ету бойынша аса маңызды міндеттерді атқарып жүргенін атап өтті.
Сапар соңында 5548 әскери бөлімінің командирі подполковник Санат Табетов жеке құрам атынан қала әкіміне іс-сапары үшін алғыс айтып, Ұлттық ұлан сарбаздары қала тұрғындарының құқықтарымен бостандықтарын қорғауға әрқашан дайын екендіктеріне сендірді.
Ертуған Әубакир
Источник: qazaq.asia
