232 rob
Сенаттың Конституциялық заңнама, сот жүйесі және құқық қорғау органдары комитетінің депутаты Айнұр Арғынбекова Абай облысының Полиция департаменті мен Сыбайлас жемқорлыққа қарсы іс-қимыл агенттігі департаментінің қызметкерлерімен кездесті, деп хабарлайды DKNews.kz.
Сенатор кездесу барысында мемлекеттің құқық қорғау институттарын күшейтуді, елдегі жоғары қадағалау мен заңдылық құралдарын нығайтуды, азаматтардың конституциялық сот төрелігіне қолжетімділігін кеңейтуді көздейтін Парламент қабылдаған заңдар туралы қауіпсіздік қызметкерлеріне айтып берді.
Кездесуге қатысушылар облыс тұрғындары арасында құқықтық тәртіпті қамтамасыз ету, сыбайлас жемқорлыққа қарсы іс-қимыл және алдын алу шаралары туралы пікір алмасты.
Сенатор сонымен қатар өз әріптестерімен – облыстық және қалалық мәслихаттардың депутаттарымен кездесті. Ол ҚР Парламенті Сенаты қызметінің негізгі қорытындыларын халық қалаулыларымен бірге талқылады. Атап айтқанда, Мемлекет басшысының жаңғырту жөніндегі күн тәртібін заңнамалық қамтамасыз ету – Палата жұмысының негізгі басымдықтарының бірі болып табылатыны атап өтілді.
Источник: qazaq.asia
