180 rob
Фотосурет: ҚР СИМ
Астанада «Атамекен» ҰКП алаңында Қазақстан Республикасы Сауда және интеграция вице-министрі Қайрат Балықбаевтың төрағалығымен аяқ киім бизнесінің өкілдері және Тауарларды таңбалау және қадағалаудың бірыңғай операторының қатысуымен тауарларды таңбалау және қадағалау жүйесін жетілдіру мәселелері бойынша кеңес өтті, деп хабарлайды DKNews.kz.
Бірыңғай оператор кәсіпкерлердің кері байланысын сараптай келе, өндірушілер мен импорттаушылар үшін жеңілдетілген құжат айналымы арқылы тауарлардың қадағалануын қамтамасыз ететін қосымша модульді іске қосып, оны аяқ киім бизнесіне ұсынды. Жүйені жақсартулар тізімінде тапсырыстардағы өнім идентификаторларының санына шектеулерді алып тастауды (GTIN) және GTIN туралы ақпаратты импорттау мен тапсырыстардағы excel құжатындағы кодтар санын импорттау мүмкіндіктерін қамтиды. Онымен бірге өнім кодтарының жарамдылық мерзімі де екі күннен бір айға дейін ұзартылды. Тапсырыстарда енді инвойс нөмірі немесе түсініктеме сияқты қосымша ақпаратты көрсете аласыз. Енді инвойстың нөмірін тауарларды қадағалау шеңберінде құжаттарды жасау кезінде пайдалануға болады.
Сондай-ақ, жаңартылған жүйеде келесі қадағалау құжаттары енді қолжетімді: үшінші елдерден және ЕАЭО елдерінен хабарламаларды тіркеу, сондай-ақ, инвойс нөміріне негізделген тапсыру-қабылдау актілері. Бұл инвойстың нөмірін жүктеп алмай-ақ көрсетуге болатын артықшылық береді және кодтар құжатқа автоматты түрде «тартылады». Сондай-ақ, қадағалау құжаттарын дайындау кезінде, тауар айналымына қатысушыларға CSV файлынан таңбалау кодтарын жүктеп алу мүмкіндігі бар, бұл жүктелген таңбалау кодтарын Excel форматына түрлендіру қажеттілігін болдырмайды. Жүйемен жұмыс істеу бойынша толық нұсқаулар бірыңғай оператордың ресми сайтында орналастырылған.
Кездесу қорытындысы бойынша аяқ киім тауарларын таңбалау кезінде бизнес процестерін оңтайландыру шеңберінде одан әрі өзара іс-қимыл жасау туралы шешім қабылданды және МО-мен бірлесіп бизнес-қоғамдастықтың ұсыныстарын ескере отырып, аяқ киім тауарларын таңбалауды жүзеге асырудың «мақсатты процесін» пысықтау туралы шешім қабылданды. Ағымдағы жылдың соңына дейін бизнестен «мақсатты процесс» көрінісін ұсыну күтілуде.
Бұл жүйені аяқ киім саудасында айналысатын кәсіпкерлер қазірдің өзінде пайдаланып жатыр. Жақын арада бұл жүйе дәрі-дәрмек айналымы саласында айналысатын кәсіпкерлер үшін де жұмыс істейтін болады.
Бұл жақсартулар бизнеспен, олардың қажеттіліктерімен және ескертулерімен үздіксіз диалогтың бөлігі ретінде жүзеге асырылды. Бірыңғай оператор осы бағыттағы жұмысты жалғастыруда және тауарларды таңбалау және қадағалау жүйесінің жұмысында жаңа ұсыныстарға ашықтығын білдіреді.
Естеріңізге сала кетейік, Қазақстанда аяқ киім өнімдерін міндетті түрде таңбалау 2021 жылдың 1 қарашасынан бастап енгізілген болатын. Цифрлық таңбалауды және бақылауды енгізу нәтижесінде ресми аяқ киім импорты 30%-ға өсті (37,2 млн жұптан 53,1 млн жұпқа дейін). Қаржы министрлігінің мәліметінше, ҚҚС және кедендік баждар түріндегі импорттық аяқ киім өнімдеріне төленген салық көлемі 38%-ға өсті.
Источник: qazaq.asia
