Топ новостей
Среда, 21 июля 2021 15:13

Қазақ тілінің көкжиегі кең⠀

  • Whatsapp: whatsapp +77084442694 +77084442694
Оцените материал
(1 Голосовать)

Ақмола облысының кәмелетке толмағандардың істері жөніндегі мамандырылған ауданаралық  сотының ұжымы Жергілікті Тілдерді оқыту орталығында мемлекеттік тілді меңгеру курсының толық  3 деңгейін оқып аяқтады⠀


Елбасымыз Нұрсұлтан Әбішұлы Назарбаев  «Болашаққа бағдар: рухани жаңғыру» атты бағдарламалық мақаласында «Біріншіден, қазақ тілін біртіндеп латын әліпбіне көшіру жұмыстарын бастауымыз керек. Біз бұл мәселеге неғұрлым қажеттігін терең түсініп, байыппен қарап келеміз және оған кірісуге тәуелсіздік алғаннан кейін мұқият дайындалдық» деген еді. Мақала жарық көрген күннен бастап талқыланып, латын әліпбиінің қазақ тілінің дамытудағы маңыздылығы, өзектілігі жан-жақты айтылғаны белгілі.   ⠀
     Бүгінгі таңда латын әліпбиіне көшу – әлемдік өркениетке ілесу, көштен қалмау және мемлекеттік тілдің қолданыс аясын одан әрі кеңейтуге мүмкіндік жасау деген сөз. Латын әліпбиіне ауысу – біздің ұлттық санамызды жаңғыртудың бір жолы. Өзге ұлт өкілдерінің мемлекеттік тілді үйренуіне де өз өз әсерін тигізері сөзсіз. Бүгінде латын әліпбиін дүниежүзі халқының 80%-ы қолданады. Бұл - қазіргі таңда латын әліпбиі үлкен беделге ие болып, мүмкіндігі де зор екендігінің белгісі. Жер бетінде латын әліпбиі барлық салада қолданылады: дәрі-дәрмек атаулары, әртүрлі техникалық ғылым салаларындағы көптеген терминдер, мамандықтарға қатысты ғылыми әдебиеттер және т.б. латын әліпбиімен байланысты. Сондықтан бұл қаріпті меңгерген  отандастарымыз жер шарының қай түкпірінде жүрсе де ақпарат алып, хабар алмаса алады. ⠀
Латын әліпбиіне көшу – қазақ халқының алға жылжуына, жаңа заман талабына сай өсіп, өркендеуіне, болашақта еліміздің жан-жақты дамуына үлкен үлес қосып, жемісі мен жеңісін әкелері сөзсіз. Біз латын әліпбиіне көше отырып, өркениетті елдердің қатарына қосылып, тіліміздегі дыбыстық жүйелерді нақты анықтап, қазақ тілінің жазылуы мен дыбысталуы кезінде сөздер қолданысындағы артық кірме сөздерден арыламыз. Сондықтан латын әліпбиіне көшу біз үшін, болашақ үшін әлдеқайда маңыздырақ. ⠀
Латын әліпбиі – қазақ тілінің жаңа көкжиегі. Жаңа қаріп тілімізді әлемге танытады. Жазуды жаңғырту – тілді түлету. Ал, тілді дамыту елді өркендетеді. ⠀
Ақмола облысының кәмелетке толмағандардың істері жөніндегі мамандырылған ауданаралық  сотының ұжымы ісқағаздарды мемлекеттік тілде еркін жүргізе алады. Латын әліпбиі бекітіліп, Тілдерді оқыту орталығында графиканы меңгерту бойынша оқу курстары ашылып жатса, біздің қызметкерлер көптің бірі боп міндетті түрде сол сабақтарға қатысатын болады.⠀
Қорыта келгенде, латын әліпбиіне көшу - ұлтымыздың санасын бұғаудан босатады, түркі және жаһандық әлемімен ықпалдасуға, қазақ халқы ертеден қолданған әліпбиімізге қайта оралып, ұлттық санамыздың қайта жаңғыруына  жол ашады. ⠀

Әбетов Жайық⠀
Ақмола облысының кәмелетке толмағандардың істері ⠀
жөніндегі мамандырылған ауданаралық сотының⠀
 жетекші маманы⠀

Заметили ошибку в тексте? Выделите ее и нажмите Ctrl+Enter
Прочитано 253 раз