Пятница, 10 сентября 2021 16:39

Көкшетауда мемлекеттік қызметшілер арасында мемлекеттік тілді білу бойынша зияткерлік ойын өтті

  • Whatsapp: whatsapp +77084442694 +77084442694
Оцените материал
(0 голосов)

Қазақстан халқы тілдері күніне арналған онкүндік аясында Көкшетау қаласында Қазақстан Республикасы Тәуелсіздігінің 30 жылдығына орай «Ұшқыр оймен шешен тіл» атты зияткерлік ойын өткізілді, деп хабарлайды ішкі саясат басқармасы.

Аталған іс-шара «Рухани жаңғыру» өңірлік жобалық кеңсесімен ұйымдастырылды. Іс-шараның мақсаты  - мемлекеттік тілді насихаттау және оның қолдану аясын кеңейту.

Зияткерлік ойынға Ақмола облысының білім, деңсаулық сақтау, жер қатынастары, туризм басқармаларының жас мемлекеттік қызметшілері және облыстық жастар ресурстық орталығының мамандары қатысты. Әр командада үш ойыншы болды.

 «Ойын ережесі бес кезеңнен тұрды. Қатысушылар мақал-мәтелдерді жалғастырды, сөйлемдерді құрады, жаңылтпаштардың ішінде артық сөзді тауып, сөзжұмбақтарды шешті. Ойыншылар қазақ тілін терең меңгергендерін көрсетті. Іс-шара тартысты да қызықты өтті. Барлық қатысушылырға алғысымызды білдіреміз», - деді өңірлік жобалық кеңсесінің ұйымдастыру жобалау бөлімінің басшысы Ерден Нұрмухамет.

Ойын қорытындысы бойынша, білім басқармасының командасы жеңімпаз атанды.

Барлық қатысушылар «Рухани жаңғыру» өңірлік жобалық кеңсесінің алғыс хаттармен және кәдесыйлармен марапатталды.

Заметили ошибку в тексте? Выделите ее и нажмите Ctrl+Enter
Прочитано 211 раз
© 2013-2021 ТОО "Ақмола Ақпарат". Все права защищены. Информационное агентство "Кокшетау Азия"

Наш партнер - Platon.asia - новости и аналитика в Казахстане

Яндекс.Метрика