796 rob
Өрт сөндіруші-бұл игі мамандық. Ол тартылатын баспалдақпен көтерілуді, газдан қорғайтын масканы қолдануды, қалың түтінде қозғалуды ғана емес, ең қиыны – әр сәтте өз өмірін қатерге тігуге дайын болуды, өртте зардап шеккен адамның өмірін сақтап қалуды талап етеді, деп хабарлайды DKNews.kz.
Адамдарды құтқару үшін өз өмірін қатерге тігетін өрт сөндірушілер мен құтқарушылардың адал еңбегін, қызметтегі жоғары көрсеткіштерін, батырлығы мен жанқиярлығын республикамыздың жергілікті атқарушы органдары, сондай-ақ қоғамдық ұйымдары да жоғары бағалайды.
Мәселен, қызметте көрсеткен көрсеткіштері үшін Мұғалжар ауданы ТЖБ аға инженері азаматтық қорғау аға лейтенанты А.Мұхтарды Ақтөбе облысының әкімі Е. Тоғжанов «Жыл адамы» номинациясы бойынша төс белгісімен марапаттады.
Хромтау ауданының әкімі А. Бекет «Жыл үздігі – 2022» жастар премиясында Хромтау ауданының № 20 ӨСБ бөлімшесінің командирі азаматтық қорғау сержанты Н.Мейрамбаевты «Үздік құтқарушы» наградасымен марапаттады.
«Байғанин ЖРО» ұйымдастырған «Baiganin AWARDS-2022» аудандық жастар премиясының қорытынды кешінде Байғанин ауданының әкімі Ақтөбе облысы Байғанин ауданының №11 өрт сөндіру бөлімінің өрт сөндіруші-құтқарушысы, азаматтық қорғау кіші сержанты Ангелин Жарасбек «Төтенше жағдайларға белсенді қатысқаны үшін» номинациясымен және «Жыл үздігі 2022» төсбелгісімен марапаттады.
Сондай-ақ, Мәртөк ауданының №15 өрт сөндіру бөлімінің өрт сөндіруші-құтқарушысы Шәкімов Арман және Сарыжар ауылының №21 өрт сөндіру бекеті бөлімшесінің командирі Қалтай Алмат Мәртөк ауданы әкімінің алғыс хаттарымен марапатталды.
Ақмола облысы Көкшетау қаласының өрт сөндірушісі Нұрлан Рамазанов «Жібек жолы» телеарнасындағы «Жақсы адамдарым» бағдарламасының жаңа жылдық шығарылымына қатысты. Ақмола облысы ТЖД «ӨСжАҚЖҚ» ММ Көкшетау қаласының №2 мамандандырылған өрт сөндіру бөлімінің қызметкері, бөлім командирі азаматтық қорғау аға сержанты Нұрлан Рамазановқа «Жібек жолы» телеарнасының арнайы сыйлығы «Жақсы адам-2022» мүсіншесі және 1 миллион теңгеге сертификаты табыс етілді.
Бағдарлама барысында Нұрлан Рамазанов Қостанай облысындағы өртті сөндіру кезінде өрт сөндірушілердің қандай қиындықтарға тап болғанын айтып, өз әсерімен бөлісті. Ол бұл оқиға оның өміріндегі бүгінгі күнге дейін кездескен ең үлкен және ең қиын өрт сөндіру жұмысы екенін атап өтті.
Маңғыстау облысы Жаңаөзен қаласындағы «Жыл үздігі-2022» ІХ қалалық жастар байқауында №3 мамандандырылған өрт сөндіру бөлімі бастығының орынбасары, азаматтық қорғау аға лейтенанты Дүйсенбай Нұрсұлтан «Үздік құтқарушы» номинациясында марапатталды.
Нұрсұлтан өз қызметіне белсенді қатысады, өз жұмысында ұжымдағы оң психологиялық микроклиматқа үлкен көңіл бөледі, қызмет ұйымдастырған барлық мәдени және спорттық іс-шараларға үнемі қатысып отырады.
Жаңа жыл қарсаңында Жаңаөзен қаласының әкімдігі ұйымдастырған «Үздік өрт сөндіруші» номинациясы бойынша «Жыл көшбасшысы-2022» премиясының конкурсында №3 мамандандырылған өрт сөндіру бөлімінің өрт сөндіру автомобильдерінің аға нұсқаушысы, азаматтық қорғау старшинасы Сарбалаев Кенжес марапатталды.
Сондай – ақ, «Маңғыстау аудандық жастар ресурстық орталығы» КММ ұйымдастырған «Жыл үздігі-2022» жас мамандар арасындағы байқауда «Үздік құтқарушы» номинациясының жеңімпазы Жасұлан Кунашов марапатталды.
Бұл іс-шаралар өз саласында табысқа жетіп, Маңғыстау облысының дамуына үлес қосып жүрген жас көшбасшыларды көтермелеу үшін өткізіледі.
Атырау облысы Жылыой ауданының Жастар ресурстық орталығы әр саланың жас мамандары арасында жылдың үздіктерін анықтау бойынша жыл сайынғы «Жастар сыйлығы-2022» конкурсын өткізді.
Аталған іс-шарада «Үздік өрт сөндіруші» номинациясы бойынша Жаңа Қаратон кентінің №9 өрт сөндіру бөлімінің Газ-түтіннен қорғау қызметінің аға шебері азаматтық қорғау аға сержанты Нұғманов Есенжан марапатталды.
Ол бірнеше рет аудан аумағындағы ірі және күрделі өрттерді сөндіруге, зардаптарды жоюға, адам өмірін құтқаруға қатысты.
Сондай-ақ жыл сайынғы «Жас қаламгер», «А.Байтұрсыновтың туғанына 150 жыл» республикалық байқауларына қатысқан, сонымен қатар өз авторлық өлеңдерін шығарған, оның қорытындысы бойынша жүлделі орындарға да ие болып үлгерді.
Индер ауданының Мәдениет үйінде жыл қорытындысы бойынша әр саланың үздік қызметкерлерін марапаттау үшін «Жыл үздігі-2022» іс-шарасы өтті. Аталған іс-шарада Индер ауданының №5 ӨСБ қызметкері азаматтық қорғау старшинасы Нұрлан Құспанов үздік құтқарушы ретінде марапатталды.
Нұрлан азаматтық қорғау органдарында 2007 жылдан бері жұмыс істейді. Осы жылдар ішінде аудан аумағында болған табиғи және техногендік сипаттағы төтенше жағдайлардың салдарын жоюға, өрттерге, авариялық-құтқару жұмыстарына қатысады, өзінің барлық тәжірибесі мен күш-жігерін адамдардың өмірі мен материалдық құндылықтарын сақтауға жұмсайды.
Қызмет барысында бірнеше рет «III дәрежелі Мінсіз қызметі үшін», «ҚР Азаматтық қорғау органдарына 25 жыл» медальдарымен және Атырау облысы ТЖД бастығынан ҚР ТЖД алғыс хаттарымен марапатталды.
Түркістан облысында «Жыл үздігі -2022» марапаттау салтанатты жиыны өтті. Аудан әкімі Ұласбек Сәдібековпен Сайрам ауданының әлеуметтік-экономикалық дамуына елеулі үлес қосқаны және қызметтегі жоғары жетістіктері үшін Сайрам ауданы Төтенше жағдайлар басқармасының аға инженері азаматтық қорғау майоры Мұхтаров Айбек 2022 жылдың «Үздік төтенше жағдайлар қызметкері» номинациясының иегері болып танылды.
Біздің қызметкерлеріміздің қажырлы еңбегі одан әрі жоғары бағаланады деп үміттенеміз, өйткені олардың күн сайын жасайтын ерліктері көпшіліктің назары мен құрметіне лайық.
Источник: qazaq.asia
