229 rob
Елордада 2 қаңтардан 3-іне қараған түні 30 мың текше метрден астам қар шығарылды, деп хабарлайды DKNews.kz.
Қардың көп жаууына байланысты қаланың коммуналдық қызметтері тәулік бойы күшейтілген режимде жұмыс істейді, деп хабарлайды Астана әкімдігінің ресми сайты.
Бүгінгі таңда елорда бойынша қар күреу жұмысына 2,3 мыңға жуық жол жұмысшы мен мыңнан астам арнайы техника жұмылдырылған.
2 қаңтардан 3-іне қараған түні полигондарға 30 мың текше метрден астам қар немесе 2191 жүк көлігі шығарылды.
Қыс мезгілінің басынан бері коммуналдық қызметтер қаладан 95 мыңнан астам жүк көлігін, яғни 959 мың текше метрден астам қар шығарды.
Источник: qazaq.asia
