Қазақстан Тәжікстаннан электр энергиясын импорттауды жоспарлап отыр. Бұл туралы энергетика министрлігінде мәлімдеді, деп хабарлайды LS.
Министрліктің ақпаратына сәйкес, оңтүстік елде Роғун су электр станциясы жобасы жүзеге асырылуда. Алты гидроагрегаттың толық іске қосылуы 2033- 2035 жылдары жоспарланып отыр, бірінші агрегат 2018 жылы, екіншісі 2019 жылы іске қосылған.
Екі ел үкіметтері электроэнергетика саласында ынтымақтастық жөніндегі келісім жобасын бекіткен. Келісімге сәйкес, Қазақстанда энергия тапшылығы туындаған жағдайда, жарық 20 жыл бойы жеткізіледі.
Электр энергиясы негізінен Қазақстанның оңтүстік аймақтарына бағытталады, транзит Өзбекстан арқылы жүзеге асырылады.
Қалған техникалық және қаржылық мәліметтер үкіметаралық келісімге қол қойылғаннан кейін белгілі болады.
Бұған дейін, LS редакциясы Қазақстанда энергожүйенің тұрақтылығына қатысты кейбір тәуекелдер айтылғаны туралы жазған еді.
Источник: lsm.kz
