Чилиден келген компания Жетісу облысында жаңа жобаны жүзеге асыруды жоспарлап отыр, деп хабарлайды LS.
Kazakh Invest компаниясында хабарлағандай, өңірде болат тегістейтін шарлар өндірісі жолға қойылады. Құны – $60 млн-дан асады.
Compañía Electro Metalúrgica S. A. (Чили) компаниясының бас директоры Эухэньо Артеага өңірде қалыптасқан қазіргі жағдайда Қазақстан осы жобаны іске асыру үшін ең оңтайлы орын болып табылатынын атап өтті. Оның айтуынша, шикізат материалдарын қайта өңдеуді жолға қою жоспарлануда.
Бұл ретте шетелдік инвестор Қазақстанды Орталық Азия хабы ретінде қарастырады және дайын өнімді ішкі нарыққа, сондай-ақ ТМД мен Орталық Азия елдеріне жеткізетін болады.
Бұған дейін, Чилидегі компания жаңа кәсіпорындарды орналастыру және ашу үшін өндіріс алаңын іздегені туралы хабарланған болатын. Сонымен қатар, жаңа кәсіпорында жылына 100-140 мың тонна өнім өндіріледi деп күтілуде. Өңірлік әкімдікте шикізат Қытайдағы кен орнынан жеткізіліп, Жетісу аумағында өңделетінін түсіндірді.
Источник: lsm.kz
