Ұлттық банк қазақстандықтардың зейнетақы жинақтары қайда инвестицияланатыны туралы LS-ке деректер ұсынды.
Ұлттық банктің деректеріне сәйкес, 2023 жылы валюта портфелінің құрылымын нысаналы аллокацияға келтіру, оның ішінде шетелдік басқарушы компанияларды тарту есебінен кезең-кезеңмен жұмыс жүзеге асырылатын болады.
Биыл KASE-те шамамен $2 млрд-ға шетел валютасын сатып алу жоспарлануда. Осылайша, бас банк валюталық позицияны 30% деңгейінде қолдануды қолға алмақ.
Сонымен қатар, зейнетақы жинақтарының валюталық бөлігін басқаруда активтердің негізгі шетелдік сыныптарына: жаһандық акцияларға, дамыған және дамушы елдердің облигацияларына және инвестициялық деңгейдегі корпоративтік облигацияларға индекстік инвестициялау жүргізіледі.
Жалпы, осы портфельді бөлу реті:
— дамыған елдердің облигациялары-валюталық портфель активтері көлемінің 30%;
— дамушы нарық облигациялары – 25%;
корпоративтік облигациялар – 20%;
— акциялар – 25%.
Жинақтаушы зейнетақы қорының ақпараты бойынша, 2023 жылдың 1 ақпанына қазақстандықтардың зейнетақы жинақтарының көлемі 14,8 трлн теңгеге жетті. Зейнетақы қоры активтерінің кірістілігі 0,44%, ал соңғы 12 айда 6,93%-ды құрады. Мұндай төмен көрсеткіштер геосаяси жағдайдың шиеленісуімен, жаһандық қаржы нарықтарындағы тұрақсыздық, инфляцияның жеделдеуімен, сондай-ақ, дамыған және дамушы елдердің облигациялары бойынша кірістіліктің өсуімен байланысты.
Источник: lsm.kz
