Қазақстанда ерлер үшін ең төменгі күнкөріс деңгейі әйелдерге қарағанда әлдеқайда жоғары, деп хабарлайды LS.
Осы жылдың қазан айында көрсеткіш айына 55 079 теңгені құрады. Бұл қыркүйектегіден сәл аз – 0,1%-ға және өткен жылдың қазан айымен салыстырғанда 3,8%-ға жоғары.
Ұлттық статистика бюросы деректеріне сәйкес, 18 жастан асқан ер адамдар үшін ең төменгі күнкөріс деңгейі (айына 64 684 теңге) әйелдерге қарағанда 26%-ға жоғары (51 315 теңге).
Зейнеткерлер мен қарт адамдар үшін деңгей 50 846 теңгеге, 14 жасқа дейінгі балалар үшін – 48 612 теңге, 14-17 жастағы ұлдар үшін – 68 632 теңге, ал қыздар үшін – 52 585 теңгеге жетті.
Күнкөріс деңгейі сондай-ақ, аймақтар бойынша ерекшеленеді.
Ең үлкен көрсеткіш Маңғыстау облысында – 68 779 теңге. Одан кейін Алматы – 59 844 теңге, Астана – 58 447 теңге, Шығыс Қазақстан – 58 160 теңге, Абай – 56 116 теңге, Алматы – 55 599 теңге, Ұлытау – 55 489 теңге, Солтүстік Қазақстан облысы – 54 377 теңге.
Шымкентте ең төменгі күнкөріс деңгейі 53 684 теңгені, Ақмола облысында – 53 639 теңгені, Жетісуда – 53 092 теңге, Қостанай облысында – 53 040 теңге, Атырау облысында – 52 772 теңге, Павлодар облысында – 52 631 теңге құрады.
Одан кейін Қарағанды – 52 332 теңге, Батыс Қазақстан – 51 759 теңге, Жамбыл – 51 129 теңге, Ақтөбе облысы – 50 807 теңге.
Ең төменгі деңгей Қызылорда облысында – 49 343 теңге, Түркістан облысында – 48 733 теңге.
Естеріңізге сала кетейік, бұған дейін, LS редакциясы соңғы бес жылда Қазақстанда өмір сүру деңгейі қалай өзгергенін инфографикада көрсеткен болатын.
Анықтама
Күнкөріс деңгейі азық-түлік және азық-түлік емес тауарларды, сондай-ақ, адам өмірін қамтамасыз ету үшін қажетті қызметтерді қамтитын ең төменгі тұтыну себетіне тең. Бұған 43 өнім атауы (жалпы соманың 55%), оның ішінде ет, балық, сүт, май, нан, жеміс-көкөніс, олардың түрлері, жұмыртқа, қант, шай, дәмдеуіштер және т.б. азық-түлік емес тауарлар мен қызметтерге есептің үлесі ең төменгі күнкөріс деңгейінің барлық сомасының 45% мөлшерінде белгіленген.
Источник: lsm.kz
