Қаржы нарығын реттеу және дамыту агенттігі несие беру шарттарын өзгертуді жоспарлап отыр, деп хабарлайды LS.
Құжатқа сәйкес, түзетулер қарыз алушының борыштық жүктемесінің коэффициентін есептеу тәртібіне енгізілетін болады. Жоба «Ашық НҚА» сайтында жарияланды.
«Жоба 21 жасқа толмаған адамдарға микрокредиттер беруді шектеу, сондай-ақ, осындай қарыз алушыларды қорғау мақсатында әзірленді. Тұтынушылық несиелендірудегі тәуекелдердің өсуіне жол бермеу үшін борыштық жүктеме коэффициентін есептеуге қойылатын талаптарды күшейту жоспарлануда», — делінген жобаға түсіндірме жазбада.
Атап айтқанда, халық төлем қабілеттілігін растау үшін растайтын құжаттарды ұсынуы тиіс. Ал 21 жасқа толмаған қарыз алушыға қатысты бағалау оның ресми кірістеріне негізделеді.
Қарыз алушы тиісті құжаттарды ұсынумен қатар растауы тиіс ақпарат:
- қарыз алушы өтініш берген күннің алдындағы үш айдан 12 айға дейінгі кезеңдегі ресми табысы;
- қарыз алушы өтініш берген күннің алдындағы үш айдан 12 айға дейінгі кезеңдегі дебеттік карта бойынша шығыстар мен толықтырулардың орташа айлық сомасы;
- микрокредитті ресімдеуге өтініш берген күнге депозиттегі және (немесе) ағымдағы шоттағы қалдықтардың сомасы;
- қарыз алушы өтініш берген күннің алдындағы үш айдан 12 айға дейінгі кезеңдегі депозиттерге және (немесе) ағымдағы шоттарға толықтырулар мен алулардың орташа айлық сомасы;
- қарыз алушының қайтарылған және (немесе) өтелмеген банктік қарыздары бойынша ай сайынғы төлемдері сомасының (кемінде алтыдан кем емес) орташа мәніне қатынасы ретінде айқындалатын қарыз алушының ай сайынғы төлемдері сомасының орташа мәнінің борыштық жүктеме коэффициентінің ең жоғары жол берілетін мәніне (0,5) қатынасы ретінде айқындалатын қарыз алушының табысы.
Бұған дейін, LS редакциясы қаржы агенттігінің микрокредиттік шарт бойынша сыйақының шекті мәнін 45 күнтізбелік күнге дейін өзгертуі мүмкін екендігі туралы жазды.
Источник: lsm.kz
