Қазақстанда әйелдердің зейнеткерлік жасын әр бала туылғаннан кейін екі жылға төмендету ұсынылды, деп хабарлайды LS.
Мұндай ұсынысты мәжілісте депутат Аманжан Жамалов айтты.
«Әр туылған бала үшін зейнеткерлік жасты екі жылға, бірақ 10 жылдан аспайтындай етіп төмендету керек. Осылайша, үш баланы дүниеге әкелген әйел алты жыл бұрын зейнетке шығуға құқылы болады. Бүгінгі таңда зейнеткерлік жастың қатып қалуын ескере отырып, бұл 55 жылды құрайды. Егер әйелдердің жалпы зейнеткерлік жасы 63 жасқа дейін өссе, онда ол 57 жасында зейнетке шыға алады», — деді ол.
Ол әйелдердің зейнеткерлік жасының төмендеуі кеңес заманында жекелеген салалардың қызметкерлері үшін белгіленгенін еске салды. Содан кейін бұл тізім барлық жұмысшылар кіргенше кеңейе түсті.
Депутат Қазақстандағы әйелдердің статистика бойынша орта есеппен үш бала туатынына және бұл оларды жұмыстан уақытша кетуге мәжбүр ететініне назар аударды. Осы кезеңде оларға зейнетақы жарналары аударылмайды, бұл зейнетақы мөлшеріне теріс әсер етеді.
«Бұл шығындар ерте зейнетке шығу құқығымен өтелуі керек. Бірақ ол қазіргі жағдайларға сәйкес әділ және негізделген болуы тиіс. Бүгінде жалпыға бірдей белгіленген зейнеткерлік жасқа дейін, дәлірек айтқанда 53 жаста бес және одан да көп бала туып (асырап алған) және оларды сегіз жасқа дейін тәрбиелеген көп балалы аналар ғана зейнетке шығады», — деп түйіндеді Жамалов.
Бұған дейін, қазақстандықтарға зейнетақы жинақтарының бір бөлігін жеке басқаруға беруге рұқсат етілетіні хабарланған болатын, бірақ оларға мемлекеттік кепілдіктер қолданылмайды. Естеріңізге сала кетейік, мәжілісмен Аманжан Жамалов қазақстандықтарға коммуналдық қызметтер бойынша несиелер мен қарыздарды өтеуге зейнетақы ақшасын жұмсауға рұқсат беруді ұсынды. Сондай-ақ, Жамалов Президенттің зейнетақы жинақтарының 50%-на дейін жеке басқаруға беруге рұқсат беру туралы тапсырмасына баға берді.
Источник: lsm.kz
